جسٹس کھوسہ کیخلاف ریفرنس سے ایاز صادق کی بدنیتی ظاہر ہوگئی عمران خان

اسپیکر قومی اسمبلی نواز شریف کی کرپشن بچارہے ہیں، انہیں مستعفی ہوجانا چاہیے، عمران خان۔ فوٹو: فائل

---

چیئرمین تحریک انصاف عمران خان نے اسپیکر قومی اسمبلی کی جانب سے جسٹس آصف سعید کھوسہ کے خلاف ریفرنس دائر کرنے پر شدید تنقید کرتے ہوئے ایاز صادق سے فوری استعفے کا مطالبہ کیا ہے۔

سماجی رابطوں کی ویب سائٹ ٹوئیٹر پر اپنے رد عمل میں عمران خان نے کہا کہ سپریم کورٹ کے سینیئر جج جسٹس آصف سعید کھوسہ کے خلاف ریفرنس دائر کر کے ایاز صادق نے ثابت کردیا کہ وہ اسپیکر قومی اسمبلی کے عہدے پر رہنے کے اہل نہیں لہٰذا انہیں فوری طور پر مستعفی ہو جانا چاہیئے۔

Speaker Ayaz Sadiq's reference ag Justice Khosa has exposed his mala fide intent of going all out simply to protect NS's corruption.

— Imran Khan (@ImranKhanPTI) August 19, 2017

چیئرمین پی ٹی آئی نے مزید کہا کہ ایاز صادق کی جانب سے جسٹس آصف کھوسہ کے خلاف ریفرنس بھیجنا یہ ظاہر کرتا ہے کہ وہ صرف نواز شریف کی کرپشن چھپانا چاہتے ہیں اور اس سے ان کی بد نیتی ظاہر ہوتی ہے۔ عمران خان نے کہا کہ ایاز صادق کا یہ موقف اپنانا کہ اسپیکر قومی اسمبلی کا دفتر کوئی تحقیقاتی ایجنسی نہیں اس سوال کو جنم دیتا ہے کہ انہوں نے میرے اور جہانگیر ترین کے خلاف ریفرنس آگے کیوں بھیجے اور نواز شریف کے خلاف ریفرنس کو مسترد کیوں کیا۔

Ayaz's comment that his Office is not an investigative agency begs the question how he forwarded ref ag me & JKT while rejecting ref ag NS? https://t.co/15AiQ1AbOY

— Imran Khan (@ImranKhanPTI) August 19, 2017

عمران خان نے کہا کہ ایاز صادق نے پہلے بھی جانبداری کا مظاہرہ کیا اور اب یہ بات واضح ہو چکی ہے کہ وہ اسپیکر قومی اسمبلی کے عہدے پر رہنے کے اہل نہیں ہیں لہٰذا انہیں فوری طور پر مستعفی ہوجانا چاہیے۔

Ayaz Sadiq had revealed his bias earlier & now it is clear he is not fit to occupy Office of Speaker NA. He must resign immediately. https://t.co/yy4f1qmgj2

— Imran Khan (@ImranKhanPTI) August 19, 2017

واضح رہے کہ اسپیکر قومی اسمبلی ایاز صادق نے سپریم کورٹ کے سینئر ترین جج اور پاناما بینچ کے سربراہ جسٹس آصف سعید کھوسہ کیخلاف آئین کے آرٹیکل 209 کے تحت 5 صفحات پر مشتمل ریفرنس دائر کیا ہے جس میں موقف اختیار کیا گیا ہے کہ جسٹس آصف سعید کھوسہ نے پاناما کیس کے اپنے فیصلے میں کہا کہ اسپیکر نے اپنی ذمہ داریاں ادا نہیں کیں اور اس بنیاد پر پاناما کیس سے متعلق درخواستوں کو قابل سماعت قرار دیا۔ ایاز صادق نے ریفرنس میں کہا کہ اسپیکر کو وزیراعظم کا وفادار اور جانبدار قرار دینا حقائق کے منافی ہے۔