شریف خاندان میں اختلافات کی توقع رکھنے والے خاک چاٹیں گے مریم نواز

شریف خاندان میں اختلافات کی توقع رکھنے والے خاک چاٹیں گے ، مریم نواز- فوٹو: فائل

---

نواز شریف کی صاحبزادی مریم نواز کا کہنا ہے کہ شریف خاندان میں اختلافات کی جھوٹی خبریں پھیلائی جا رہی ہیں لیکن اختلافات کی توقع رکھنے والے خاک چاٹیں گے۔

سماجی رابطے کی ویب سائٹ پر ٹوئٹ کرتے ہوئے مریم نواز کا کہنا تھا کہ شریف خاندان میں اختلافات کی من گھڑت اور بے بنیاد خبریں پھیلائی جا رہی ہیں، حمزہ شہباز اور پرویز ملک نے این اے 120 سے متعلق اجلاس کی مشترکہ صدارت کی ہے۔ مریم نواز کا کہنا تھا کہ شریف خاندان میں آج بھی پہلے کی طرح اتفاق ہے اور ہمیشہ رہے گا جب کہ اختلافات کی توقع رکھنے والے خاک چاٹیں گے۔

Those hoping for a rift between Sharif family will Insha'Allah bite the dust. Here are Hamza & Malik Parvez chairing a meeting on NA-120. pic.twitter.com/xikPNAJjxK

— Maryam Nawaz Sharif (@MaryamNSharif) August 19, 2017

اس سے قبل ترجمان (ن) لیگ نے بھی ایک بیان جاری کیا جس میں ان کا کہنا تھا کہ شریف فیملی میں اختلافات مخالفین کی خواہش ہو سکتی ہے جو کبھی پوری نہیں ہو گی جب کہ پرویز ملک کو بطور صدر مسلم لیگ (ن) لاہور، این اے 120 میں ضمنی انتخاب کی ذمہ داریاں سونپی گئی ہیں۔

واضح رہے میڈیا میں اس قسم کی خبریں زیر گردش ہیں کہ نوازشریف نے اپنے بھتیجے، وزیراعلیٰ پنجاب شہباز شریف کے صاحبزادے اور رکن قومی اسمبلی حمزہ شہباز کو این اے 120 کی انتخابی مہم سے علیحدہ کر دیا ہے۔