کراچی میں سپر ہائی وے کے قریب مبینہ پولیس مقابلہ 3 ڈاکو ہلاک

ہلاک ہونیوالے ڈاکوؤں سے 3 ٹی ٹی پستول، گولیاں، موبائل فونز، نقدی اور موٹر سائیکل برآمد ہوئی ہیں، پولیس۔ فوٹو: فائل

---

سپر ہائی وے جنجال گوٹھ کے قریب مبینہ پولیس مقابلے کے دوران 3 ڈاکو ہلاک ہو گئے۔

ایکسپریس نیوز کے مطابق کراچی کے علاقے جنجال گوٹھ کے قریب سپر ہائی وے پر 3 ڈاکو شہریوں سے لوٹ مار کر رہے تھے کہ اس دوران پولیس بھی موقع پر پہنچ گئی، پولیس کے پہنچتے ہی ڈاکوؤں نے فائرنگ شروع کر دی جس پر پولیس کی جانب سے جوابی فائرنگ کی گئی جس کے نتیجے میں 3 ڈاکو ہلاک ہوگئے۔ پولیس کے مطابق ہلاک ہونیوالے ڈاکوؤں سے 3 ٹی ٹی پستول، گولیاں، موبائل فونز، نقدی اور موٹر سائیکل برآمد ہوئی ہیں۔