اہلیہ کو قتل کرنیوالا ملزم شوہر جناح اسپتال سے گرفتار

سکھن پولیس نے اہلیہ کو قتل کرنے والے شوہر کوجناح اسپتال سے گرفتار کرلیا۔


تفصیلات کے مطابق سکھن پولیس نے جناح اسپتال میں چھاپہ مار کر ملزم عابد اور اس کے ساتھیوں فقیر محمد اور یوسف کو گرفتارکرلیا،پولیس کا کہنا ہے کہ ملزم عابد نے بدھ کو اہلیہ رخسانہ کو اپنے فلیٹ میں گلے میں پھندا ڈال کر ہلاک کیا تھا۔

ملزم نے حالات سے دلبرداشتہ ہو کر اپنی زندگی کا خاتمہ کرنے کی کوشش کرتے ہوئے خواب آور گولیاں کھالیں جس پر اسے جناح اسپتال میں داخل کرایا گیا ، پولیس نے اطلاع ملنے پر جناح اسپتال میں چھاپہ مار کر ملزم کو گرفتار کرلیا ، پولیس ملزم سے مزید تفتیش کررہی ہے ۔