امریتا پوری کی نئی فلم نے برلن فلم فیسٹیول میں دھوم مچادی

صرف 3 فلمیں کی ہیں، اسٹیج پر لائیو پرفارم کرتی رہی ہوں، روٹین سے ہٹ کر کام کرنا چاہتی ہوں، 29 سالہ بالی وڈ اداکارہ اور ماڈل کی گفتگو۔ فوٹو : فائل

---

بالی وڈ اداکارہ اورماڈل امریتا پوری کی نئی فلم ''کائی پوچے '63ویں برلن فلم فیسٹیول میں پیش کردی گئی ۔اداکارہ امریتا پوری کی فلم کو پسند کیا گیا، ان کی پرفارمنس کی دھوم مچ گئی۔

اس پلیٹ فارم پر نمائش ہونیوالی یہ پہلی بھارتی فلم ہے ۔ اس طرح اداکارہ امریتا پوری کا یہ منفرد اعزاز بھی ہے۔ گزشتہ روز فلم کا ورلڈ پریمئر ہوا ۔اداکارہ کی پرفارمنس کو سراہا گیاہے ۔فلم کی تشہیری مہم جاری ہے ،یہ فلم 22فروری کو سینماگھروں کی زینت بنائی جائے گی۔اس فلم میں راج کمار یادیو اور سوشانت سنگھ راجپوت بھی کام کررہے ہیں۔اداکارہ امریتا پوری کا کہنا ہے کہ اس فلم میں منفرد کردار میں نظر آؤں گی۔

یہ تین دوستوں کی کہانی ہے ۔فلم کا ٹریلر ریلیز کیا جاچکا ہ ۔ میوزک امیت نے تیار کیا ہے ۔بالی وڈ میں اپنی کامیابی کے لیے کوشاں ہوں اور آنیوالی فلموں میں بہتر کردار کی متلاشی رہوں گی ۔انھوں نے کہا کہ اب تک صرف تین فلموں میں کام کیا ہے اس حوالے سے ابھی نئی ہوں اور سینئرز سے سیکھنے کی بھی کوشش کرتی ہوں ۔بالی وڈ میں آنے پر مجھے اچھا رسپانس ملا ہے۔کئی ایوارڈ ملے ہیں ،کمرشلز میں بھی عمدہ پرفارمنس پر سراہا گیا ہے۔اداکارہ نے کہا کہ بالی وڈ میگا اسٹار کے ساتھ کام کرنا چاہتی ہوں۔روٹین سے ہٹ کر کام کرنا چاہتی ہوں ۔میگا بجٹ فلموں میں یاد گار کردار نبھاؤں گی ۔انھوں نے کہا کہ شروع سے ہی اسٹیج پر لائیو پرفارم کرتی رہی ہوں ۔

کیمرے کے سامنے آنے پر بہت اچھا لگا ہے۔شائقین کی توجہ اپنی عمدہ پرفامنس سے حاصل کرنے کی متمنی ہوں ۔آغاز ایک رائٹر کے طور پر کیا۔اس وقت فلم کے لیے کام کرنے کی بھی ٹھان لی تھی ،اسی جذبہ کے ساتھ اب میدان میں ہوں اور آگے بڑھ رہی ہوں۔ واضح رہے کہ ہدایتکار ابھیشک کمار اس بات کا اعتراف کرچکے ہیں کہ اس فلم کے لیے کوئی بھی بڑا معروف فنکار تیار نہیں ہوسکا ۔تاہم سابق کرکٹر اجے جدیجا نے اس میں مختصر کردار نبھایا ہے۔فلم کی تشہیری مہم کا آغاز کردیا گیا ہے۔

ہدایتکار ابھیشک کپور کی اس ڈرامہ فلم ''کائی پوچے ''کی کہانی چیتن بھٹ کے مشہور ناول ''دی 3 مس ٹیکس آف مائی لائف ''سے ماخوذ ہے۔ادھر مریتا پوری نے کہا کہمجھے امید ہے کہ اس فلم میں میرا کام شائقین کو پسند آئے گا۔فلم کی ٹیم نے کہانی کو عمدگی سے فلمانے کے لیے محنت کی ہے ۔20 اگست 1983 کو ممبئی میں پیدا ہونیوالی 29سالہ اداکارہ امریتا پوری نے گریجوائیشن کرنے کے بعد شوبز میں قدم رکھا۔آغاز میں تھیٹر پر کام کیا ،پہلے بطور رائٹر تھیٹر جوائن کیا پھر اس میں پرفارم کرنے لگیں اور ان کی پرفارمنس کو دیکھتے ہوئے انھیں اہم کردار ملنے لگے ۔

اسی دوران اداکارہ نے بطور کاپی رائٹر ایک اشتہاری کمپنی میں ملازمت بھی اختیار کی ۔کئی کمرشلز کے لیے اسکرپٹ بھی لکھے۔امریتا پوری نے ماڈلنگ کے شعبے میں بھی نمایاں کاکردگی کا مظاہرہ کیا۔ 2010 کے دوران پہلی فلم'' آشا ''کے بعد انھیں مختلف فلموں میں کام کرنے کی آفرز ہوئیں مگر انھوں نے واپس ٹی وی ڈرامہ پر پرفارم کیا اور اس عرصہ میں دو سیریلز میں اہم کردار نبھائے۔ اداکارہ نے متعدد کمرشلز بھی کیں اور پھر2012میں فلم ''بلڈ منی''میں آرزو کا کردار بڑی خوبی سے نبھایا ۔اسٹار ڈسٹ ایوارڈ جیتنے کے بعد اداکارہ امریتا پوری کی 2010میں پہلی فلم میں عمدہ پرفارمنس پر بہترین معاون اداکارہ کے فلم فیئرایوارڈ کے لیے نامزدگی ہوئی ۔ پھر اسٹار اسکرین ایوارڈ کے لیے بھی نامزد کیا گیا۔ بالی وڈ حلقوں کا کہنا ہے کہ اداکارہ کی بالی وڈ میں آمد اور کارکردگی بہتر رہی ہے نئی فلم سے ان کی توقعات پر کچھ کہنا قبل ازوقت ہوگا ۔

تاہم ان کی پرفارمنس میں بتدریج بہتری نمودار ہورہی ہے جس پر یہ کہا جاسکتا ہے کہ انھیں اچھے کردار ملیں گے تو اپنی پرفارمنس کی دھاک بٹھانے کا سلیقہ جانتی ہیں ۔اداکارہ نے اپنی پہلی فلم سے ہی اچھی اداکاری کا مظاہرہ کیا،جس پر انھیں بالی وڈ حلقوں میں توجہ ملی ۔اداکارہ کا خود بھی یہی کہنا ہے کہ آغاز پر ہی اچھی پرفارمنس نے مجھے اس مقام پر پہنچایا ہے اور اپنی آنیوالی فلموں میں مزید بہتری لانے کے لیے محنت کرتی رہوں گی۔ ان کا کہنا ہے کہ بالی وڈ میں تمام سینئرز نے بہت تعاون کیا ہے اور ان کے تعاون کی بدولت ہی اب تک نئی فلمموں میں کام کررہی ہوں۔



امریتا پوری کا کہنا ہے کہ وہ یکسانیت سے اکتا چکی ہیں اور ان کی خواہش ہوتی ہے کہ اچھی کہانی میں منفرد کردار ملے ،اداکارہ نے اپنی آنیوالی فلموں کی شیڈول شوٹنگز کے لیے معمولات بنائے ہیں ۔بالی وڈ نقادوں کا کہناہے کہ اداکارہ امریتا پوری نے خود اچھی رائٹر بھی ہیں اورکیمرے کے پیچھے رہ کر بھی اپنی صلاحیتوں کا اظہار کرچکی ہیں اس لیے ان کے لیے دیگر اداکاراؤں کی نسبت کیمرے کے سامنے اچھا کام کرنا زیادہ آسان ہوگا۔ اداکارہ کی پرفارمنس نے اب تک شائقین کو بہت متاثر کیا ہے ان کی ہر فلم میں نیا کردار ان کی خوبیوں کو ظاہر کرنے کا سبب بنتا رہا ہے۔امریتا پوری نے بالی وڈ میں اپنی الگ شناخت بنانے کے لیے خوب محنت کی ہے جس کا اندازہ ان کی حالیہ پرفارمنس سے لگایا جاسکتا ہے۔

امریتا پوری لائیو پرفارم بھی کرتی رہی ہیں اس حوالے سے بھی ان کی زیادہ اہمیت بڑھ جاتی ہے کہ جب کیمرے کو دیکھ کر گھبرانے کا عنصر سامنے نہیں آتا تو ان کی پرفارمنس بھی پرفیکٹ ہوتی ہے۔ اداکارہ نے اپنی تمام فلموں کی بروقت شوٹنگز کو بھی یقینی بنایا ہے ۔امریتا پوری کی ٹی وی پر بھی پرفارمنس شاندار رہی ہے ۔چھوٹی اسکرین پر بھی انھوں نے بہت اچھا کام کرکے شائقین سے داد حاصل کی ہے۔نئی فلمیں دیکھنے کے بعد یہ کہا جاسکتاہے کہ ان کی صلاحیتوں کا زمانہ معترف ہے اور آنیوالی فلموں میں بھی امریتا پوری کچھ کمال کرنے کی صلاحیت رکھتی ہیں جس کی وجہ سے یقینا ان کے پرستاروں کی تعداد میں بھی اضافہ ہوگا۔