آئی جی ٹریفک سندھ مشتاق مہر کراچی پولیس چیف تعینات

ایڈیشنل آئی جی ٹریفک سندھ مشتاق مہر کو ایک بار پھر کراچی پولیس چیف تعینات کیا گیا فوٹو: فائل

---

آئی جی ٹریفک سندھ مشتاق مہر کو ایک بار پھر کراچی پولیس چیف تعینات کردیا گیا۔

ایکسپریس نیوز کے مطابق کراچی پولیس میں تبادلے و تقرریاں کی گئی ہیں جس کے مطابق کراچی پولیس چیف غلام قادر تھیبو کو عہدے سے ہٹادیا گیا جب کہ ان کی جگہ ایڈیشنل آئی جی ٹریفک سندھ مشتاق مہر کو ایک بار پھر کراچی پولیس چیف تعینات کردیا گیا ہے۔

اس خبر کو بھی پڑھیں : غلام قادر تھیبو کراچی پولیس چیف تعینات

کراچی پولیس چیف کے عہدے سے ہٹائے گئے غلام قادر تھیبو اب ایڈیشنل آئی جی ٹریفک سندھ کے فرائض انجام دیں گے جب کہ اس حوالے سے نوٹی فکیشن بھی جاری کردیا گیا ہے۔

واضح رہے کہ گزشتہ ماہ غلام قادر تھیبو کو مشتاق مہر کی جگہ کراچی پولیس چیف تعینات کیا گیا تھا۔