فلپائنی باکسر نے صرف 21 سیکنڈ میں لائٹ ہیوی ویٹ ٹائٹل جیت لیا

ابھی مقابلے کے لیے تیار ہی نہیں ہوا تھا کہ ماروین ان پر ٹوٹ پڑے، پاؤزی۔ فوٹو : فائل

---

برطانوی نژاد فلپائنی باکسر جان ماروین نے صرف 21 سیکنڈ میں ساؤتھ ایسٹ ایشین گیمز میں لائٹ ہیوی ویٹ ٹائٹل جیت لیا۔

صرف 21 سیکنڈ میں ساؤتھ ایسٹ ایشین گیمز میں لائٹ ہیوی ویٹ ٹائٹل جیتنے والے 24 سالہ ماروین برٹش آرمی میں لانس نائیک ہیں، انھوں نے بیل بجتے ہی میزبان ملائیشین باکسر حافظ محمد پاؤزی پر مکوں کی برسات کردی اور ناک آؤٹ کردیا۔ بعدازاں پاؤزی نے دعویٰ کیا کہ وہ ابھی مقابلے کے لیے تیار ہی نہیں ہوئے تھے کہ ماروین ان پر ٹوٹ پڑے جبکہ فاتح باکسر کا کہنا تھا کہ وہ مقابلے کا فیصلہ ججز پر نہیں چھوڑنا چاہتے تھے۔