کابل کی مسجد پر حملے میں 20 سے زائد افراد جاں بحق 35 زخمی

سیکیورٹی فورسز نے 5 گھنٹے کے آپریشن کے بعد تمام دہشت گردوں کو ہلاک کردیا، افغان میڈیا - فوٹو: رائٹرز

---

افغانستان کے دارالحکومت کی مسجد میں شدت پسندوں کے حملے کے نتیجے میں 20 سے زائد افراد جاں بحق اور 35 زخمی ہوگئے۔

غیر ملکی خبررساں ادارے کے مطابق افغانستان کے دارالحکومت کابل میں ایک خود کش حملہ آور نے پہلے خود کو دھماکے سے اڑایا جس کے بعد مسلح افراد مسجد کے اندر گھس گئے اور فائرنگ شروع کردی جس کے نتیجے میں درجنوں افراد ہلاک ہوگئے ہیں۔

#Kabul - Public Health Ministry says that more than 20 people were killed and over 35 others wounded in the mosque attack.

— TOLOnews (@TOLOnews) August 25, 2017

افغان میڈیا کے مطابق وزارت صحت نے 20 سے زائد افراد کی ہلاکت کی تصدیق کرتے ہوئے کہا کہ حملے میں 35 افراد زخمی بھی ہوئے ہیں جب کہ جاں بحق ہونے والوں میں 2 پولیس اہلکار بھی شامل ہیں، دھماکے کے وقت مسجد کے اندر نمازی بڑی تعداد میں موجود تھے۔

اس خبر کو بھی پڑھیں؛ کابل میں مسجد پر خود کش حملے میں 3 افراد جاں بحق

افغان میڈیا نے دعویٰ کیا ہے کہ سیکیورٹی فورسزنےعلاقے کوگھیرے میں لے کر شدت پسندوں کے خلاف 5 گھنٹے تک آپریشن کیا جس کے بعد تینوں دہشت گردوں کو ہلاک کردیا گیا۔

اس خبر کو بھی پڑھیں: کابل میں خودکش دھماکا، 30 افراد ہلاک

عینی شاہدین کے مطابق مطابق کابل کی مسجد میں داخل ہونے والے حملہ آوروں کی تعداد 4 تھی جنہوں نے پولیس کی وردی پہنی ہوئی تھی جب کہ حملہ آورگارڈز کو ہلاک کرکے مسجد میں داخل ہوئے۔

#Kabul - President Ashraf Ghani condemns Kabul mosque attack, calls on religious scholars to raise their voice against such violent acts.

— TOLOnews (@TOLOnews) August 25, 2017

ادھر افغان صدر اشرف غنی نے دھماکے کی مذمت کرتے ہوئے اسے افغانستان کے خلاف دہشت گردانہ کارروائی قرار دیا جب کہ انہوں نے علمائے کرام سے ان پرتشدد حملوں کے خلاف آواز بلند کرنے کی اپیل بھی کی ۔