کراچی میں ہلکی بارش کے باعث موسم خوشگوار

محکمہ موسمیات کے مطابق آج مطلع جزوی ابرآلود رہنے کا امکان ہے جس کے باعث گرمی کی شدت میں کمی آئے گی

ویب ڈیسک August 26, 2017

آج شہر قائد کا درجہ حرارت زیادہ سے زیادہ 29 ڈگری سینٹی گریڈ رہنے کا امکان ہے؛فوٹوفائل

کراچی میں آج صبح سے ہلکی بارش اور بوندا باندی کا سلسلہ جاری ہے جس کے باعث موسم خوشگوار ہوگیا ہے۔

ایکسپریس نیوز کے مطابق گزشتہ کئی روز سے کراچی میں حبس و گرمی کی شدت میں بتدریج اضافے کے باعث شہری سخت پریشان تھے لیکن آج صبح سے ہلکی بارش اور بوندا باندی کے باعث موسم خوشگوار ہوگیا ہے۔محکمہ موسمیات کے مطابق آج کراچی میں مطلع جزوی ابرآلود رہنے کا امکان ہے جس کے باعث گرمی کی شدت میں مزید کمی آئے گی،آج شہر قائد کادرجہ حرارت 29 ڈگری سینٹی گریڈ رہنے کا امکان ہے۔

دوسری جانب ہلکی بارش کے ساتھ شہر کے متعدد علاقوں میں بجلی غائب ہونے کا سلسلہ شروع ہوگیا ہے جب کہ کئی فیڈرز بھی ٹرپ کرگئے ہیں، جس کے باعث بجلی کی فراہمی معطل ہوگئی ہے جب کہ بارش کے باعث سڑکوں پر پھسلن ہوگئی ہے اور شہر میں معمولی حادثوں کی اطلاعات موصول ہوئی ہیں۔