بھارتی ہدایت کار کی شاہ رخ خان کی بیوی کوبڑی پیشکش

گوری خان کے اسٹور میں کرینہ کپور کے سوا باقی تمام افراد نے شرکت کی؛فوٹوفائل

---

ABBOTABAD: بالی ووڈ کنگ شاہ رخ خان کی اہلیہ گوری خان کو بھارتی فلم انڈسٹری کے نامور ہدایت کار سنجے لیلیٰ بھنسالی نے بڑی پیشکش کرتے ہوئے کہا ہے کہ وہ اپنی سیٹ ڈیزائننگ کی صلاحیتیں فلموں میں بھی آزمائیں۔

اداکار شاہ رخ خان کی اہلیہ نے حال ہی میں سیٹ ڈیزائننگ کا اسٹور کھولا ہے جس میں بالی ووڈ کی بیگم کرینہ کپور خان کے سوا بھارتی فلم انڈسٹری کے تقریباً تمام اداکاروں نے شرکت کی،اس موقعے پر نامور ہدایت کار سنجے لیلیٰ بھنسالی بھی موجود تھے، وہ گوری خان کے کام سے اتنے زیادہ متاثر ہوئے کہ انہوں نے گوری کو اپنی صلاحیتیں فلموں میں آزمانے کی پیشکش کی ہے اور کہا ہے کہ وہ فلموں کے سیٹ ڈیزائن کریں۔

اس خبرکوبھی پڑھیں: کرینہ کپور نے شاہ رخ خان کی دعوت کیوں ٹھکرائی؟

سنجے کی پیشکس پر گوری خان نے غور کرنے کا وعدہ کرتے ہوئے ان کا شکریہ ادا کیا اور کہا کہ وہ فلموں میں سیٹ ڈیزائننگ کے کام کے بارے میں ضرور سوچیں گی۔

Thank you for visiting the #GKD store, Sanjay. Your idea of me getting into set designing/art direction has got me thinking... pic.twitter.com/WLwJw5Zf2k

— Gauri Khan (@gaurikhan) August 25, 2017

Thank u Sanjay, for appreciating #gaurikhandesigns coming from you is a real compliment. pic.twitter.com/YXL0FanmFU

— Gauri Khan (@gaurikhan) August 25, 2017

واضح رہے کہ شاہ رخ خان نے 2002 میں سنجے لیلیٰ بھنسالی کی فلم ''دیوداس'' میں مرکزی کردار ادا کیا تھا اور اداکار و ہدایت کار کی یہ کامیاب جوڑی ایک بار پھر بھارتی شاعر ساحر لدھیانوی کی زندگی پر مبنی فلم میں کام کرتی نظر آئے گی۔