متحدہ پاکستان کا مردم شماری کے نتائج کیخلاف سڑکوں پر نکلنے کا فیصلہ

ریلی میں دیگر سیاسی جماعتوں کو بھی شرکت کی دعوت دی جائے گی، ذرائع. فوٹو: فائل

---

ISLAMABAD: ایم کیوایم پاکستان نے مردم شماری کے نتائج کو تسلیم کرنے سے انکار کرتے ہوئے سڑکوں پر احتجاج کرنے کا فیصلہ کیا ہے۔

ایکسپریس نیوز کے مطابق ایم کیو ایم پاکستان کی رابطہ کمیٹی کا اجلاس بہادر آباد مرکز میں ہوا جس میں مردم شماری کے نتائج کے حوالے سے تفصیلی تبادلہ خیال کیا گیا اور ادارہ شماریات کی جانب سے جاری مردم شماری کے نتائج ماننے سے انکار کرتے ہوئے سڑکوں پر نکلنے کا فیصلہ کیا گیا۔

اس خبر کو بھی پڑھیں :کراچی کی آبادی ایک کروڑ 49لاکھ 10ہزار352 نفوس پر مشتمل ہے

ذرائع کے مطابق ایم کیو ایم پاکستان 10 ستمبر کو مردم شماری میں دھاندلی کے خلاف لیاقت آباد سے ادارہ شماریات کے دفتر تک احتجاجی ریلی نکالے گی جس کا باضابطہ اعلان کل پریس کانفرنس میں کیا جائے گا جب کہ امکان ہے کہ دیگر سیاسی جماعتوں کو بھی ریلی میں شرکت کی دعوت دی جائے گی۔

یہ بھی پڑھیں :مردم شماری میں دھاندلی ہوئی

واضح رہے گزشتہ روز متحدہ قومی موومنٹ پاکستان کے سربراہ فارو ق ستار نے مردم شماری کے نتائج کو مسترد کرتے ہوئے کہا تھا کہ مردم شماری میں دھاندلی نہیں بلکہ دھاندلیوں کی ماں ہوئی ہے اور ان نتائج کو ہم تسلیم نہیں کرتے۔