انڈر 19 کرکٹ آسٹریلیا نے تیسرے میچ میں پاکستان کو زیرکرلیا

سیریز 2-1 سے مہمان سائیڈ کے نام،امام الحق اور عمر وحید کی نصف سنچریاں رائیگاں

---

KANDAHAR: 0تیسرے انڈر 19 میچ میں آسٹریلیا نے پاکستان کو8 وکٹ سے زیر کر لیا،3 میچز کی سیریز2-1 سے مہمان سائیڈ کے نام رہی۔جمعے کو آخری مقابلے میںکینگرو بولرز نے حریف کو179 رنز تک محدود رکھا، امام الحق اور عمر وحید کی نصف سنچریاں رائیگاں گئیں،آسٹریلیا نے ہدف 10 گیندوں قبل2 وکٹ پر عبور کرلیا،

مین آف دی میچ کیمرون بین کروفٹ اور کیورٹس پیٹرسن نے ففٹیز بنائیں۔تفصیلات کے مطابق پاکستانی کپتان بابر اعظم کا ٹاس جیت کر پہلے بیٹنگ کا فیصلہ 8رنز پر3وکٹیں گرنے سے غلط ثابت ہو گیا، بابر کھاتہ کھولے بغیر کونوے کی گیند پر ایل بی ڈبلیو ہوئے،اسی انداز میں پیرس نے سمیع اسلم (4) کو آئوٹ کر دیا،اگلی گیند پر فراز علی کی بیلز بھی اُڑ گئیں،امام الحق اور عمروحید نے چوتھی وکٹ کے لیے 124 رنز جوڑکر پاکستان کے قدم مضبوط کیے،

دونوں بالتریب77 اور52 رنز بناکر آئوٹ ہوئے، اس کے بعد پوری ٹیم 47.5 میں 179 رنز پر ہمت ہار گئی،ٹرنر نے 3جبکہ کون وے اور پیرس نے 2، 2 وکٹیں لیں،آسٹریلیا نے ہدف48.2 اوورز میں 2 وکٹ پر حاصل کرلیا، اوپنر کیمرون بین کروفٹ 76 رنز بناکر مین آف دی میچ قرار پائے،کیورٹس پیٹرسن ناقابل شکست52 اور مائرک بکانن28 رنز بناکر نمایاں رہے۔