کریبئین لیگ جمیکا تلاواز کی سینٹ کٹس پیٹریاٹس کو 41 رنز سے مات

تھامس مین آف دی میچ قرار پائے,فوٹو:جمیکا گلینر

---

کریبئین پریمیئر لیگ میں جمیکا تلاواز نے سینٹ کٹس پیٹریاٹس کو 41 رنز سے شکست دیدی۔

جمیکا تلاواز نے پہلے بیٹنگ کرتے ہوئے 5 وکٹوں کے نقصان پر 157 رنز سکور کئے، کپتان کمارا سنگا کارا 55 اور رومن پاﺅل 43 رنز کے ساتھ نمایاں رہے، شیلڈن کوٹریل نے 2 جبکہ بین ہلفنہاس، محمدنبی، تبریز شمسی نے ایک ایک وکٹ حاصل کی۔ محمد حفیظ نے 4 اوورز میں 15 رنز دیئے اور کوئی وکٹ حاصل نہ کر سکے۔

پیٹریاٹس کی ٹیم 17.5 اوورز میں 116 رنز بنا کر آﺅٹ ہو گئی، ایون لیوس 40 اور محمد حفیظ 21 رنز کے ساتھ نمایاں رہے، 8 بیٹسمین ڈبل فیگرز میں داخل نہ ہو سکے۔ اوشانے تھامس اور کرشمار سنتوکی نے 3,3، محمد سمیع نے 3 اوورز میں 30 رنز کے عوض 2 جبکہ کیسرک ولیمز نے ایک وکٹ حاصل کی۔ تھامس مین آف دی میچ قرار پائے۔