کراچی میں بارش کا سلسلہ جمعہ کی دوپہرتک جاری رہے گا چیف میٹرولوجسٹ

بارشوں کا سسٹم جمعے کی رات گئے تک کمزور پڑ سکتا ہے، چیف میٹرولوجسٹ۔ فوٹو: فائل

---

چیف میٹرولوجسٹ کراچی عبدالرشید کا کہنا ہے کہ کراچی میں بارش کا سلسلہ جمعہ کی دوپہر تک جاری رہے گا۔

چیف میٹرولوجسٹ کراچی عبدالرشید کے مطابق مون سون کا بارش دینے والا سسٹم شہر قائد کی فضاؤں پر موجود ہے جس کے باعث کراچی میں آج رات بھی گرج چمک کے ساتھ بارشیں ہوسکتی ہیں جب کہ جمعے کی دوپہر تک بھی بارشوں کا سلسلہ جاری رہنے کا امکان ہے۔

چیف میٹرولوجسٹ کے مطابق جمعے کی رات گئے سسٹم کمزور پڑ سکتا ہے اور عید قرباں کے دن ہلکی بارش اور بوندا باندی ہوسکتی ہے۔