گزشتہ ہفتے کے دوران زرمبادلہ کے ذخائر میں 4 کروڑ 52 لاکھ ڈالرکی کمی ہوگئی جس کے بعد زرمبادلہ کے ذخائرگھٹ کر 20ارب 11لاکھ ڈالر رہ گئے۔

اسٹیٹ بینک آف پاکستان کی جانب سے جاری کردہ اعداد وشمار کے مطابق 25 اگست کو ختم ہونے والے ہفتے پر مرکزی بینک کے ذخائر 3 کروڑ 17 لاکھ ڈالر کی کمی سے 14 ارب 34 کروڑ 34 لاکھ ڈالر جبکہ کمرشل بینکوں کے ذخائر 1 کروڑ 35 لاکھ ڈالر کم ہو کر 5 ارب 65 کروڑ 77 لاکھ ڈالر کی سطح پر ریکارڈ کیے گئے۔

واضح رہے کہ پچھلے ہفتے کے اختتام پر زرمبادلہ کے ذخائر 20 ارب 4 کروڑ 63 لاکھ ڈالر تھے۔