بینظیر بھٹو قتل کیس میں انصاف کے لیے ان کے ورثا نے کچھ نہیں کیا سعد رفیق

نوازشریف نا اہلی کیس اور بینظیرقتل کیس کے نتائج نے نظام پر شبہات میں اضافہ کر دیا ہے، سعد رفیق

ویب ڈیسک September 01, 2017

نوازشریف نا اہلی کیس اور بینظیرقتل کیس کے نتائج نے نظام پر شبہات میں اضافہ کر دیا ہے، سعد رفیق۔ فوٹو: فائل

وزیر ریلوے خواجہ سعد رفیق کا کہنا ہے کہ بینظیر بھٹو قتل کیس میں حصول انصاف کے لیے ان کے ورثا اور پیپلز پارٹی نے زبانی جمع خرچ کے سوا کچھ نہیں کیا۔

سماجی رابطے کی سائٹ ٹوئٹر پر خواجہ سعد رفیق کا کہنا ہے کہ بینظیر بھٹو قتل کیس میں حصول انصاف کے لیے ان کے ورثا اور پیپلز پارٹی نے زبانی جمع خرچ کے سوا کچھ نہیں کیا جب کہ بینظیر بھٹو، اکبر بگٹی، لال مسجد قتل عام اور ججز نظر بندی کے بڑے ملزم پرویز مشرف کے باہر جانے کا کریڈٹ دھرنا دینے اور دلوانے والوں کوجاتا ہے۔

بے نظیر بھٹو قتل کیس میں حصول انصاف کیلیے ان کے ورثا اور پیپلز پارٹی نے زبانی جمع خرچ کے سوا کچھ نہیں کیا.
— Khawaja Saad Rafique (@KhSaad_Rafique) September 1, 2017

سعد رفیق کا کہنا تھا کہ نوازشریف نا اہلی کیس اور بینظیرقتل کیس کے نتائج نے نظام پر شبہات میں اضافہ کر دیا ہے اور پرویز مشرف پاکستان کے نظام عدل سے زیادہ طاقتور ثابت ہوئے۔

بےنظیر بھٹو، اکبر بگٹی،لال مسجد قتل عام اور ججز نظر بندی کے بڑے ملزم پرویز مشرف کے باھر جانے کا کریڈٹ دھرنا دینے اور دلوانے والوں کوجاتا ھے
— Khawaja Saad Rafique (@KhSaad_Rafique) September 1, 2017

نوازشریف نا اھلی کیس اور بےنظیرقتل کیس کے نتائج نے نظام پر شبہات میں اضافہ کر دیا ھے.پرویز مشرف پاکستان کے نظام عدل سےزیادہ طاقتورثابت ھوۓ
— Khawaja Saad Rafique (@KhSaad_Rafique) September 1, 2017

وفاقی وزیر کا کہنا تھا کہ عدلیہ بحالی تحریک کے نتیجے میں عدلیہ بحال کروالی مگر اس کا وقار اور آزادی بحال نہیں کروا سکے، توانا شفاف اور فعال جمہوریت کے قیام کے لیے اہم اسٹیک ہولڈرز نے اپنی ذمہ داری ادا نہیں کی۔

عدلیہ بحالی تحریک کے نتیجے میں عدلیہ بحال کروا لی مگر اس کا وقار اور آزادی بحال نہیں کروا سکے.
— Khawaja Saad Rafique (@KhSaad_Rafique) September 1, 2017

توانا شفاف اور فعال جمہوریت کے قیام کیلیے اھم سٹیک ھولڈرز نے اپنی ذمہ داری سے پہلو تہی کی ھے.
— Khawaja Saad Rafique (@KhSaad_Rafique) September 1, 2017

سعد رفیق نے کہا کہ شفاف اور طاقتور جمہوری نظام کے لیے قومی مکالمہ نہ کیا گیا تو داخلی انتشار بڑھ جائے گا جب کہ بیرونی دشمنوں کی ناکامی کے لیے اندرونی مسائل بات چیت سے ہی حل کرنا ہوں گے۔