رضا مراد نے رنویر پر تھپڑوں کی بارش کردی

رضا مراد نے رنویر کوایک نہیں دو نہیں پورے 24 تھپڑ مارے جس کے باعث رنویر کا گال سرخ ٹماٹر کی طرح لال ہوگیا۔

ویب ڈیسک September 02, 2017

رضا مراد نے رنویر کو 24 تھپڑ مارے جس کے باعث رنویر کا گال سرخ لال ہوگیا۔ فوٹو : فائل

بھارتی لیجنڈری اداکار رضا مراد نے فلم کی شوٹنگ کے دوران رنویر سنگھ پر تھپڑوں کی بارش کردی۔

رنویر سنگھ اور رضا مراد ان دنوں سنجے لیلا بھنسالی کی نئی آنے والی فلم ''پدماوتی'' کی شوٹنگ میں مصروف ہیں، بھارتی میڈیا کے مطابق فلم کی شوٹنگ کے دوران ایک سین میں رضا مراد کو رنویر کو تھپڑ مارنا تھا اورجب سین حقیقت سے قریب تر پکچرائز نہ ہوسکا تو ہدایت کار سنجے لیلا بھنسالی نے اسے دوبارہ پکچرائز کیا لیکن اس بار بھی سین حقیقی منظر نہ پیش کرسکا تو اسے ایک بار پھر ری ٹیک کیا گیا اورآپ یہ جان کے حیران رہ جائیں گے کہ اس کے لیے رنویر کورضا مراد کے 24 تھپڑ کھانے پڑگئے تب کہیں جا کر ہدایت کار نے اوکے کی آواز لگائی تاہم اس دوران بے چارے رنویر کا گال لال ٹماٹر کی طرح سرخ ہوچکا تھا۔