تھانہ ہیڈ راجکاں کے قریب 2 موٹرسائیکلوں میں تصادم کے نتیجے میں 3 افراد جاں بحق اور ایک زخمی ہو گیا۔

ایکسپریس نیوز کے مطابق بہاولپور میں تھانہ ہیڈ راجکاں کے علاقے ٹیل والا روڈ پر 2 موٹرسائیکلیں آپس میں ٹکرا گئیں جس کے نتیجے میں 4 افراد شدید زخمی ہو گئے۔ واقعے کے بعد ریسکیو اہلکار موقع پر پہنچے اور زخمیوں کو اسپتال منتقل کر رہے تھے کہ اس دوران 3 افراد دم توڑ گئے جب کہ ایک زخمی کو اسپتال میں طبی امداد فراہم کی جا رہی ہے۔