ریفری کی جانب نازیبا اشارہ کرنے پر انگلش فٹبالر ڈیل ایلی مشکل میں پڑگئے۔

سلوا کیہ کیخلاف فٹبال ورلڈ کپ کوالیفائر میں ریفری کی جانب نازیبا اشارہ کرنے پر انگلش مڈ فیلڈر ڈیل ایلی کو فیفا کی تادیبی کارروائی کا سامنا کرنا پڑسکتا ہے، ان کی یہ حرکت گراؤنڈ میں متحرک ٹی وی کیمروں میں محفوظ ہوگئی تھی۔

سلواکین پلیئر مارٹن اسکریٹل سے گیند چھیننے کی کوشش میں فرنچ ریفری کلیمنٹ ٹورپن نے میزبان کھلاڑی کیخلاف فاؤل ایوارڈ کردیا تھا، اس پر ایلی نے شدید ناگواری ظاہر کرتے ہوئے نازیبا اشارہ ریفری کی جانب کیا تھا۔