سات ماہ بعد ٹینس کی دنیا میں واپس آنے والے سابق عالمی نمبر ون رافیل نڈال نے برازیل اوپن ٹینس ٹورنامنٹ جیت لیا۔

برازیل کے شہر ساؤپالو میں ہونے والے ٹینس ٹورنامنٹ کے فائنل میں اسپین کے رافیل نڈال اور ارجنٹینا کے ڈیوڈ نلبدین کا آمنا سامنا ہوا، ایک گھنٹے اور اٹھارہ منٹ تک جاری رہنے والے اس مقابلے میں سابق عالمی نمبر ون نڈال نے نلبدین کو 2-6 اور 3-6 سے شکست دے دی۔

رافیل نڈال گھٹنے کی انجری کی وجہ سے 7 ماہ تک کسی بھی ٹورنامنٹ میں حصہ نہیں لے سکے تھے۔ گیارہ بارگرینڈ سلیم ٹائٹل جیتنے والے اسپینش اسٹار اس وقت اے ٹی پی رینکنگ میں پانچویں نمبر پر ہیں۔