بھارتی ویمن کرکٹ ٹیم کی کپتان کو بولڈ تصویر شیئر کرنے پر تنقید کا سامنا

ایک مداح نے میتھالی راج کے لباس کے چناؤ کو غلط قرار دیتے ہوئے انہیں مشورہ دیا کہ آپ کو ایسے لباس نہیں پہننے چاہئیں۔ فوٹو: فائل

---

بھارتی وومن کرکٹ ٹیم کی کپتان میتھالی راج کو سماجی رابطے کی ویب سائٹ پر اپنے دوستوں کے ساتھ بولڈ تصویر شیئر کرنا مہنگا پڑ گیا۔

بھارتی وومن کرکٹ ٹیم کی کپتان میتھالی راج نے اپنے دوستوں کے ساتھ ایک گروپ فوٹو سماجی رابطے کی مائیکرو بلاگنگ ویب سائٹ ٹویٹر پر پوسٹ کی جس میں انہوں نے کافی بولڈ لباس پہن رکھا ہے۔ میتھالی راج کا یہ عمل ان کے مداحوں کو بہت ناگوار گزرا اور انہوں نے تعریف کے بجائے انہیں خوب تنقید کا نشانہ بنا ڈالا۔

ایک صارف نے میتھالی راج کو مشورہ دیتے ہوئے کہا کہ ''میم اس تصویر کو ڈیلیٹ کر دیجئے، لوگ آپ کو اپنا آئیڈیل مانتے ہیں لیکن آپ کے اس طرح لباس کو نہیں۔''



 

ایک اور مداح نے میتھالی راج کے لباس کے چناؤ کو غلط قرار دیتے ہوئے انہیں مشورہ دیا کہ آپ کو ایسے لباس نہیں پہننے چاہئیں جب کہ ایک دوسرے صارف نے کہا کہ آپ کیوں اس طرح کی تصاویر آپ لوڈ کرتی ہیں، یہ اچھی نہیں ہیں۔ دوسری جانب ایک صارف نے لکھا کہ آپ سے اس طرح کی تصاویر کی امید نہیں تھی۔