ایل او سی پر بھارت کی بلااشتعال گولہ باری سے بچی اور خاتون زخمی

بھارت کی فائرنگ اور گولہ باری سے متعدد مکانات تباہ اور کئی مویشی بھی ہلاک ہوگئے۔ فوٹو : فائل

---

بھارتی فوج کی ایل اوسی پونچھ سیکٹر میں بلااشتعال فائرنگ اور گولہ باری کے نتیجے میں بچی سمیت دو افراد زخمی ہوگئے۔

ایکسپریس نیوز کے مطابق بھارتی افواج نے مدار پور، تیتری نوٹ ، لچیال ، سہڑا ، منڈول ، دھرم سال، درہ شیر خان کے علاقوں پر بلااشتعال گولہ باری اور فائرنگ کرکے مقامی آبادی کو نشانہ بنایا۔

یہ بھی پڑھیں: ایل او سی پر بھارتی فوج کی بلااشتعال فائرنگ سے پاکستانی خاتون شہید

فائرنگ سے خاتون اور ایک بچی زخمی ہوگئی جنہیں طبی امداد کے لیے کوٹلی اسپتال منتقل کیا گیا ہے۔ ذرائع کے مطابق بھارت کی فائرنگ اور گولہ باری سے متعدد مکانات تباہ اور کئی مویشی بھی ہلاک ہوگئے۔