یتیم بچی نے سنی لیون کی زندگی بدل دی

نشا بہت سمجھدار بچی ہے وہ بہت جلد ہم سب کے ساتھ گھل مل گئی ہے،سنی لیون

ویب ڈیسک September 10, 2017

سنی لیون اور ان کے شوہر نے کچھ عرصہ قبل 21 ماہ کی بچی گود لی تھی؛فوٹوفائل

KARAK/ SWABI/ ABBOTTABAD/ NOWSHERA/ HANGU/ KOHAT/ PESHAWAR/ LAKKI MARWAT/ BANNU/ CHARSADDA/ BUNER/ MARDAN/ DI KHAN: بالی ووڈ کی آئٹم گرل سنی لیون نے اپنی بیٹی نشا کورکے بارے میں بات کرتے ہوئے کہا ہے کہ نشا نے ان کی زندگی کو پوری طرح سے تبدیل کردیا۔

ناموربالی ووڈ اداکارہ سنی لیون اور ان کے شوہر ڈینیل ویبر نے کچھ عرصے قبل ایک یتیم بچی گود لی جس کا نام نشا کورویبررکھا ، سنی لیون کی بچی گود لینے کی خبر بھارتی میڈیا میں جنگل کی آگ کی طرح پھیل گئی، کئی لوگوں نے سنی کے اس قدام پر شدید تنقید کی جب کہ کچھ لوگوں نے انہیں سراہتے ہوئے کہا کہ سنی کے اس متاثر کن قدم سے دوسرے اداکاروں کو بھی یتیم اور بے سہارا بچوں کی زندگیاں سنوارنے کاحوصلہ ملے گا۔

اس خبرکوبھی پڑھیں: سنی لیون کے گھر ننھے مہمان کی آمد

سنی نے حال ہی میں ایک میگزین کو انٹرویو دیتے ہوئے نشا کے اپنی زندگی میں آنے کے بعد تبدیلیوں کے بارے میں بات کرتے ہوئے کہا جب سے نشا ہمارے گھرمیں آئی ہے ہماری زندگی خوشیوں سے بھر گئی ہے، نشا بہت سمجھدار بچی ہے وہ بہت جلد ہم سب کے ساتھ گھل مل گئی ہے، انہوں نے کہا انہیں جب محسوس ہوا کہ ان کے شوہراورگھروالے ایک چھوٹے بچے کے خواہشمند ہیں اسی وقت نشا ہماری زندگی میں آگئی اوراس نے ہماری فیملی کو مکمل کردیا۔

سنی لیون نے مزید کہا کہ یہ بہت ضروری ہے کہ ہر بچے کو ایک نارمل بچپن ملے لہٰذاہمارا یتیم بچی گود لینے کا مقصد بھی یہی تھا کہ ہم نشا کو ہر وہ چیزدے سکیں جس کی خواہش ہربچے کو ہوتی ہے، میں ایک اچھی ماں بننے کی پوری کوشش کررہی ہوں اور اسی لیے اپنا زیادہ تروقت اپنی بیٹی کے ساتھ گزارتی ہوں، نشانے میری زندگی کو تبدیل کرنے میں بہت اہم کردارادا کیا ہے۔