علی ظفرکی فلم ’’چشم بددور‘‘ کا میوزک ریلیز

علی ظفر کی نئی فلم چشم بدور 5 اپریل کو نمائش کے لیے پیش کی جائے گی۔ فوٹو:فائل

---

ISLAMABAD: پاکستان کے معروف اداکارو گلوکارعلی ظفرکی بالی وڈمیں نئی فلم ''چشم بددور'' کا میوزک بھارت میں ریلیز کردیاگیا۔

گزشتہ روزممبئی میں ایک خوبصورت تقریب کاانعقاد کیا گیا جس میں علی ظفر کے علاوہ اداکارسدھارتھ داریان، انوپم کھیر، ووندہ شرما، سونونگم اوررشی کپور سمیت دیگرشامل تھے۔ اس تقریب کو منفردبنانے کے لیے فلم کے ہدایتکار ڈیوڈ دھون نے کاسٹ کو اپنے بہت قریبی اورشرارتی دوست کے ہمراہ شرکت کی دعوت دی تھی۔

جسکی وجہ سے جہاں فلم کی پروموشن جاری تھی وہیں فنکاروںکے قریبی دوست ان کے بار ے میں کچھ ایسی ''دلچسپ'' گفتگوبھی کررہے تھے جس کوسن کرشرکاء کی بڑی تعداد لوٹ پوٹ ہورہی تھی۔ میوزک کی لانچنگ کے موقع پرگلوکارسونونگم نے فلم کے گیت بھی سنائے جس کو سن کرحاضرین جھومتے رہے۔



 

''ایکسپریس '' سے فون پرگفتگوکرتے ہوئے علی ظفر نے بتایاکہ فلم کی پروموشن کے لیے جو انداز اپنایا گیا وہ انتہائی مختلف اورمنفردتھا۔ ہم لوگ تقریب میں اپنے قریبی دوستوںکے ہمراہ پہنچے۔ ویسے تویہ تقریب فلم کے میوزک ریلیز کے لیے سجائی گئی تھی لیکن اس کومنفردبنانے کے لیے ڈیوڈ دھون نے ایک نیا آئیڈیاتیارکیاتھا جس کوبہت سراہا گیا۔ ممبئی کے باسیوں نے تقریب کو خوب انجوائے کیا اوراس کے ساتھ ساتھ فلم کے میوزک کوبھی بہت پسند کیا۔ واضح رہے کہ فلم 5 اپریل سے نمائش کے لیے پیش کی جائے گی۔