بیرون ملک اسمگل کی جانے والی 45 کلو ہیروئن پکڑی گئی

اینٹی نارکوٹکس فورس کا انٹرنیشنل کنٹینر ٹرمینل پر چھاپہ،کنٹینر میں بند تولیے کی کنسائنمنٹ میں چھپائی گئی ہیروئن افریقہ اسمگل ہونا تھی،واقعے کی تحقیقات جاری . فوٹو: فائل

---

اینٹی نارکوٹکس فورس نے کراچی انٹرنیشنل کنٹینر ٹرمینل میں کنٹینر پر چھاپہ مار کر45 کلو گرام ہیروئن برآمد کرکے بیرون ملک اسمگل کرنے کی کوشش ناکام بنادی۔

ہیروئن تولیہ کے کارٹن میں انتہائی مہارت کے ساتھ چھپا کر لے جائی جارہی تھی،تفصیلات کے مطابق اینٹی نارکوٹکس فورس نے کراچی انٹرنیشنل کنٹینر ٹرمینل پر ایک کنٹینر پر چھاپہ مار کر 45 کلو گرام ہیروئن برآمد کرلی۔



اینٹی نارکوٹکس فورس کے مطابق ہیروئن کو تولیہ کے کنسائنمنٹ میں انتہائی مہارت کے ساتھ چھپائی گئی گئی اور اسے افریقہ اسمگل کیا جانا تھا،اے این ایف نے بروقت کارروائی کرتے ہوئے اسمگلنگ کی کوشش ناکام بنادی،واقعے کی مزید تحقیقات کی جارہی ہے۔