ماہرہ خان بیٹے کی ہدایات سن کرپریشان

ماہرہ کے بیٹے نے اپنی آٹھویں سالگرہ پر انہیں چند ہدایات دی ہیں؛فوٹوفائل

---

نامور پاکستانی اداکارہ ماہرہ خان کا بیٹا ازلان اتنا بڑا ہوگیا ہے کہ اب اس نے اپنی ماں کو ہی ہدایات دینی شروع کردی ہیں۔

اپنی خوبصورتی اور جاندار اداکاری سے لوگوں کو دیوانہ بنانے والی پاکستانی اداکارہ ماہرہ خان کے دل پر کون راج کرتا ہے، کون ہے وہ انسان جس کی بات ماہرہ کبھی نہیں ٹال سکتی آخرماہرہ نے بتا ہی دیا۔

اس خبرکوبھی پڑھیں: ماہرہ خان کے بیٹے کی نئی تصویرسوشل میڈیا پروائرل

گزشتہ روز ماہرہ خان کے بیٹے ازلان کی 8 ویں سالگرہ تھی، یہ خبرماہرہ نے ٹوئٹرپرمداحوں کے ساتھ شیئر کی اورساتھ میں لکھا کہ ازلان نے اپنی آٹھویں سالگرہ کے موقع پر انہیں چند ہدایات دی ہیں جنہیں سن کر وہ حیرت زدہ رہ گئیں، ازلان کا کہنا ہے کہ اب وہ بڑے ہوگئے ہیں لہٰذا انہیں جان ،بے بی اور ازو کے نام سے نہ بلایا جائے بلکہ انہیں ان کے اصل نام سے بلایا جائے، اس کے ساتھ ہی ماہرہ نے بیٹے سے اپنی محبت کا اظہار کرتے ہوئے لکھا کہ ازلان ان کی زندگی میں بے حد اہمیت رکھتا ہے اور وہ اپنے بیٹے سے بے انتہا محبت کرتی ہیں۔

Strict instructions from Azlan - no calling me Jaan, baby or azzu! 8yrs old today and too cool for his mama. My one and only... ❤️🙏🏼 pic.twitter.com/fH4DeEtVMI

— Mahira Khan (@TheMahiraKhan) September 15, 2017

ماہرہ نے دو روز قبل انسٹا گرام پر ایک اور تصویر شیئر کی تھی جس میں ازلان اپنی ماں کی پیٹھ پر آرام سے سورہاہے، تصویر کے ساتھ ماہرہ نے لکھا کہ ازلان کی ماں ہونے کا احساس دنیا کے تمام احساسوں سے زیادہ خوشگوار ہے ،میرا اور صرف میرا بیٹا۔

اس خبرکوبھی پڑھیں: ماہرہ خان کی پہلی ترجیح ان کا بیٹا

[instagram-post url="https://www.instagram.com/p/BZEb98pleAN/"]

واضح رہے کہ ماہرہ سنگل مدر ہیں اور اپنے بیٹے کی پرورش اکیلے کررہی ہیں تاہم وہ اپنے بیٹے سے بہت محبت کرتی ہیں اور اس کی کوئی بات کبھی نہیں ٹالتیں۔