بھائی کی ٹیم کو ہارتا دیکھ کر سلمان خان بے قابو آئندہ سال کرکٹ کھیلیں گے

انھوں نے قریبی دوستوں کو آئندہ سال خود کھیلنے کے فیصلے سے آگاہ کر دیا۔ فوٹو: فائل

---

بھارتی اداکار سلمان خان سلیبریٹی کرکٹ لیگ میں اپنے بھائی کی ٹیم کو ہارتا دیکھ کر خود پر قابو نہ رکھ پائے، انھوں نے آئندہ سیزن کے دوران میدان میں اترنے کا فیصلہ کرلیا ہے۔

تفصیلات کے مطابق گذشتہ دنوں حیدرآباد دکن میں سلمان کے بھائی سہیل کی ٹیم کو ایک میچ میں ناکامی کا سامنا کرنا پڑا،اس موقع پر دبنگ خان خود بھی میدان میں موجود تھے، انھوں نے اب قریبی دوستوں کو آئندہ سال خود کھیلنے کے فیصلے سے آگاہ کر دیا، چونکہ ان دنوں ان کی ہر فلم ہٹ ہو رہی ہے لہذا وہ سمجھتے ہیں کہ قسمت کرکٹ فیلڈ میں بھی ساتھ دے گی۔

حیدرآباد دکن میں میچ دیکھنے کا تجربہ سلمان کیلیے زیادہ اچھا ثابت نہیں ہوا تھا،وہ سیکیورٹی انتظامات پر میزبانوں سے ناراض بھی ہیں، مذکورہ میچ کے بعد تقریباً 90 موٹر بائیکرز نے ان کا پیچھا کیا، وہ سلمان خان کی توجہ پانے کیلیے ان کی کار کے آس پاس منڈلاتے رہے۔