نوابشاہ تیز رفتار وین ٹریلر سے جا ٹکرائی 2مسافر ہلاک 6 زخمی

وین میں سوار 2 مسافر موقع پر ہی جاں بحق اور 6شدید زخمی ہوگئے جنھیں ایدھی ایمبولینس میں قاضی احمد اسپتال میں داخل کرایا گیا۔ فوٹو: فائل

---

دولت پور کے قریب قومی شاہراہ پرحیدرآباد سے مورو جانے والی تیز رفتار مسافر وین ٹریلر سے ٹکرا گئی۔

2 مسافر جاں بحق 6 شدید زخمی ہوگئے۔ تفصیلات کے مطابق جمعرات کے روز حیدرآباد سے مورو جانیوالی تیز رفتار مسافر وین دولت پور کے قریب کریم آباد بس اسٹاپ قومی شاہراہ پر اوور ٹیک کرتے ہوئے ٹریلر سے ٹکرا گئی۔



جسکے نتیجے میں وین میں سوار 2 مسافر موقع پر ہی جاں بحق اور 6شدید زخمی ہوگئے جنھیں ایدھی ایمبولینس میں قاضی احمد اسپتال میں داخل کرایا گیا۔