لندن روانگی سے قبل گورنر سندھ کے آج مستعفی ہونے کا امکان

سندھ اسمبلی میں پیپلزلوکل گورنمنٹ بل کو اچانک واپس لیے جانے کے بعد سیاسی صورتحال میں تیزی سے تبدیلی آرہی ہے اور متحدہ قومی موومنٹ کے قائد الطاف حسین نے سندھ کے گورنر ڈاکٹر عشرت العباد خان کو لندن طلب کرلیا ہے۔

گورنر سندھ آج کسی وقت لندن روانہ ہورہے ہیں۔ انتہائی باخبر ذرائع کا کہنا ہے کہ ڈاکٹر عشرت العباد اپنی روانگی سے قبل صدر مملکت آصف علی زرداری کو اپنا استعفیٰ بھیج دیں گے اور اس سے قبل وہ ایم کیو ایم کے مستعفی وزرا کے استعفے بھی منظور کرلیں گے۔




گورنرسندھ کے استعفے کے ساتھ ہی ایم کیو ایم اور پاکستان پیپلزپارٹی کا اتحاد مکمل طور پر ختم ہوجائے گا۔ گورنر سندھ ڈاکٹر عشرت العباد خان کو سندھ میں سب سے طویل عرصے تک گورنر رہنے کا اعزاز حاصل ہے۔