روہت شیٹھی کی فلم ’گول مال اگین‘ کا پوسٹر جاری

فلم کا ٹریلر 22 ستمبر کو جاری کیا جائے گا۔ فوٹو: سوشل میڈیا

---

بالی ووڈ کی مشہور کامیڈی فلم ''گول مال فور'' کا پوسٹر جاری کر دیا گیا جب کہ فلم کا ٹریلر 22 ستمبر کو جاری کیا جائے گا۔

بھارت کے معروف ہدایت کار روہت شیٹھی کی فلم سیریز 'گول مال' عوام میں انتہائی مقبول ہے اور اب تک اس سیریز کے ریلیز ہونے والے تینوں سیکوئل کو عوام نے بے حد سراہا اور اس کے لئے مداح سال بھر انتظار کرتے ہیں۔ فلم کے مرکزی کرداروں میں اجے دیوگن اور تبو شامل ہیں جو 23 سال بعد ایک ساتھ فلم میں دکھائیں دیں گے۔

اس خبر کو بھی پڑھیں؛ گول مال فور کے بعد اجے دیوگن اور تبو ایک اور فلم میں ساتھ دکھائی دیں گے

بھارتی میڈیا کے مطابق گزشتہ روز فلم ''گول مال فور'' کے حوالے سے ایک تقریب منعقد کی گئی جہاں اجے دیوگن نے اپنی آنے والی نئی فلم کے چار پوسٹر جاری کئے جب کہ فلم کا ٹریلر 22 ستمبر کو جاری کیا جائے گا اور فلم رواں سال دیوالی کے موقع پر سینما گھروں کی زینت بنے گی۔



واضح رہے کہ گول مال کے تینوں سیکوئل میں کرینہ کپور نے مرکزی کردار ادا کیا تھا تاہم نئے سیکوئل میں تبو اور پرینیتی چوپڑا کو فلم کا حصہ بنایا گیا ہے جب کہ فلم کی دیگر کاسٹ میں ارشد وارثی، تشار کپور اور دیگر اداکار شامل ہیں۔