نواز شریف کی نااہلی کےخلاف ایک اور درخواست دائر

نواز شریف کو اپیل کا حق ملنا چاہئے کیونکہ یہ ہر شخص کا قانونی اور آئینی استحقاق ہے، درخواست گزار

ویب ڈیسک September 22, 2017

درخواست ماہر قانون اے کے ڈوگر کی جانب سے دائر کی گئی ہے،فوٹوفائل

سابق وزیراعظم نواز شریف کے پاناما کیس میں نااہلی کے فیصلے کے خلاف سپریم کورٹ میں ایک اور درخواست دائر کردی گئی ہے۔

ایکسپریس نیوزکے مطابق سپریم کورٹ کی جانب سے نواز شریف کے پاناما کیس میں نااہلی کے فیصلے کے خلاف سپریم کورٹ لاہور رجسٹری میں درخواست دائر کردی گئی، درخواست ماہر قانون اے کے ڈوگر کی جانب سے دائر کی گئی ہے، درخواست میں نواز شریف، عمران خان، حسن نواز، حسین نواز، اسحاق ڈار اور نیب کوفریق بنایا گیا ہے۔

اس خبرکوبھی پڑھیں: نواز شریف نااہل قرار

درخواستگزار اے کے ڈوگر نےموقف اختیار کیا ہے کہ نواز شریف کو آرٹیکل 183(3) کے تحت اپیل کا حق نہیں دیا گیا ، آرٹیکل 183(3) اسلامی قوانین کے متصادم ہے، نواز شریف کو اپیل کا حق ملنا چاہئے ، کیونکہ اپیل کا حق ہر شخص کا قانونی اور آئینی حق ہے۔

اس خبرکوبھی پڑھیں: نوازشریف کی نااہلی کے بعد وفاقی کابینہ بھی تحلیل

واضح رہے کہ جولائی میں سپریم کورٹ کے جج جسٹس آصف سعید کھوسہ کی سربراہی میں جسٹس گلزار، جسٹس اعجاز افضل، جسٹس شیخ عظمت سعید اور جسٹس اعجازالحسن نے پاناما کیس کا تاریخی فیصلہ سناتے ہوئے نواز شریف کو نااہل قرار دے دیا تھا۔