بگ باس سیزن11 کے گھر کی تصویر سوشل میڈیا پر وائرل

بگ باس کا 11واں سیزن یکم اکتوبر سے شروع ہونے جا رہا ہے۔ فوٹو: فائل

---

JOHANNESBURG: بھارت کے مشہور ٹی وی ریئلٹی شو بگ باس کے 11 ویں سیزن کے گھر کی تصویر نے انٹرنیٹ پر تہلکہ مچا دیا ہے۔

بگ باس بھارت میں سب سے زیادہ مقبول اور دیکھا جانے والا ریئلٹی شو ہے جس کا شرکاء کو سارا سال انتطار رہتا ہے اور اس کی ایک وجہ دبنگ خان کا اس شو کی میزبانی کرنا ہے۔ اس حوالے سے شو دیکھنے والے دیوانوں کے لئے خوش خبری ہے کہ سوشل میڈیا پر ''بگ باس 11'' کے گھر کی تصویر وائرل ہو گئی جس کو ایک دن میں کئی ہزار لوگ دیکھ چکے ہیں۔



بھارتی میڈیا کے مطابق ''بگ باس 11'' کی تصویر نے سوشل میڈیا پر دھوم مچا دی ہے اور دعویٰ کیا جا رہا ہے کہ ''بگ باس 11'' کا گھر پہلے والے شوز کے گھروں کی نسبت کافی بڑا ہے جس میں اندرونی جیل بھی موجود ہے۔ اس حوالے سے اہم بات یہ ہے کہ''بگ باس'' کے ہر سیزن کا گھر پہلے سیزن سے مختلف ہوتا ہے جس طرح سیزن 8 میں گھر کو جہاز کے طرز پر بنایا گیا تھا جبکہ سیزن 7 میں گھر کو ''جنت اور جہنم ''کی طرح دکھایا گیا تاکہ شو میں موجود شرکاء کو دو حصوں میں تقسیم کیا جا سکے۔

اس خبر کو بھی پڑھیں:''بگ باس 11'' کے شرکاء کی فہرست منظر عام پر آگئی

واضح رہے کہ سلمان خان جو مسلسل 10 سیزن سے بگ باس کی میزبانی کرتے آ رہے ہیں اور اب 11ویں سیزن میں بھی میزبانی کے فرائض سر انجام دیں گے۔ بگ باس کا 11واں سیزن یکم اکتوبر سے شروع ہونے جا رہا ہے۔