مانیری بالا میں نامعلوم ملزمان نے گھر میں گھس کر اندھا دھند فائرنگ کرکے ماں اور بیٹے کو قتل کردیا۔

خیبر پختونخوا کے ضلع صوابی کے علاقے مانیری بالا میں ملزمان رات کی تاریکی میں گھر میں گھس گئے اور سوئے ہوئے ماں بیٹے پر اندھا دھند فائرنگ کرکے انہیں قتل کردیا۔

واقعے کے بعد لواحقین نے لاشیں سڑک پر رکھ کر مردان صوابی روڈ کو بند کر کے پولیس سے ملزمان کی گرفتاری کا مطالبہ کیا جب کہ پولیس حکام کی یقین دہانی پر مظاہرین نے احتجاج ختم کرکے روڈ کو ٹریفک کیلئے کھول دیا۔ پولیس کا کہنا ہے کہ ملزمان کے خلاف ایف آئی آر درج کرکے تفتیش شروع کردی ہے۔