ٹریفک حادثات میں بچہ ہلاک 3 افراد زخمی

حادثے کے ذمے دار ڈرائیور کو حراست میں لیکر تفتیش کا آغاز کردیا گیا ہے۔

Staff Reporter February 23, 2013

ایس ایچ او بلوچ کالونی چوہدری سلیم نے ایکسپریس کو بتایا کہ حادثے کے ذمے دار ڈرائیور کو حراست میں لیکر تفتیش کا آغاز کردیا گیا ہے۔ فوٹو: فائل

شہر کے مختلف علاقوں میں ٹریفک حادثات میں بچہ ہلاک جبکہ 3 افراد زخمی ہوگئے۔

تفصیلات کے مطابق بلوچ کالونی کے علاقے میں تیز رفتار گاڑی کی ٹکر سے8سالہ رومیل مسیح ولد مشتاق مسیح ہلاک ہوگیا ، متوفی کی لاش ضابطے کی کارروائی کے لیے جناح اسپتال پہنچائی گئی، ایس ایچ او بلوچ کالونی چوہدری سلیم نے ایکسپریس کو بتایا کہ حادثے کے ذمے دار ڈرائیور کو حراست میں لیکر تفتیش کا آغاز کردیا گیا ہے۔

پولیس نے ضابطے کی کارروائی کے بعد متوفی کی لاش ورثا کے حوالے کردی، ریسکیو ذرائع کے مطابق گلشن ضیا میں تیز رفتار ڈمپر کی ٹکر سے 22 سالہ فرید ولد شمروز ، عبداللہ کالج کے قریب 42 سالہ نعیم ولد محمد شریف جبکہ نارتھ کراچی دو منٹ چورنگی پر 23 سالہ شان ولد اسد اللہ زخمی ہوگئے۔