قومی ٹیم کے سری لنکا کے خلاف سیریز کیلئے دبئی میں ڈیرے

قومی ٹیم سری لنکا کے خلاف 2 ٹیسٹ، 5 ون ڈے اور 3 ٹی ٹوئنٹی میچز کھیلے گی۔ فوٹو: فائل

---

قومی ٹیم سری لنکا کے خلاف سیریز کے لئے دبئی پہنچ گئی ہے۔

قومی ٹیم سری لنکا کے خلاف ٹیسٹ، ون ڈے اور ٹی ٹوئنٹی سیریز کے لئے لاہور کے علامہ اقبال انٹرنیشنل ایئرپورٹ سے دبئی پہنچ گئی ہے۔ 16 رکنی قومی ٹیم اور 9 ٹیم آفیشلز نے متحدہ عرب امارات میں ڈیرے ڈال دیئے ہیں۔

واضح رہے کہ قومی ٹیم سری لنکا کے خلاف 2 ٹیسٹ، 5 ون ڈے اور 3 ٹی ٹوئنٹی میچز کھیلے گی۔ دونوں ٹیموں کے درمیان پہلا ٹیسٹ 28 ستمبر اور دوسرا ٹیسٹ 6 اکتوبر سے کھیلا جائے گا۔

پاکستان اور سری لنکا کے درمیان ون ڈے میچز 13، 16، 18۔ 20 اور 23 ستمبر کو کھیلے جائیں گے جب کہ پہلا ٹی ٹوئنٹی میچ 26، دوسرا 27 اور تیسرا 29 اکتوبر کو کھیلا جائے گا۔ تیسرا ٹی ٹوئنٹی میچ لاہور میں کھیلا جائے گا تاہم اس کا دارومدار سیکیورٹی صورت حال سے مشروط ہو گا۔