نیشنل بینک کرپشن کیس علی رضا کی جیل میں طبیعت خراب اسپتال منتقل

علی رضا کو سینے میں شدید تکلیف کے باعث جناح اسپتال کے آئی سی یو میں منتقل کردیا گیا ہے، اسپتال ذرائع

ویب ڈیسک September 25, 2017

علی رضا کو سینے میں شدید تکلیف کے باعث اسپتال کے آئی سی یو میں منتقل کردیا گیا ہے، اسپتال ذرائع فوٹو: فائل

نیشنل بینک کی بنگلا دیش شاخ میں 18 ارب روپے کی کرپشن کے الزام میں گرفتاراین بی پی کے سابق صدر سید علی رضا کو دل میں تکلیف کے باعث جیل سے جناح اسپتال منتقل کردیا گیا ہے۔

ایکسپریس نیوز کے مطابق نیشنل بینک کی بنگلا دیش شاخ میں 18 ارب روپے کی کرپشن کیس میں سندھ ہائی کورٹ نے سابق صدر نینشل بینک علی رضا کو 7 ملزمان سمیت عبوری ضمانت منسوخ کرکے گرفتار کرنے کا حکم دیا تھا اور جوڈیشل ریمانڈ کے لئے جیل منتقل کردیا گیا تھا تاہم اب علی رضا کو دل میں تکلیف کے باعث جناح اسپتال منتقل کردیا گیا ہے۔

اس خبرکوبھی پڑھیں: سابق صدر نیشنل بینک علی رضا گرفتار

اسپتال ذرائع کے مطابق علی رضا کو سینے میں شدید تکلیف ہوئی جس کے باعث انہیں اسپتال کے آئی سی یو میں منتقل کردیا گیا ہے اور وہ ڈاکٹر ندیم کی نگرانی میں ٹیم کے زیرعلاج ہیں۔