شاہد کپور ہدایت کاروں کی پسندیدہ چوائس

شاہد کپور بالی ووڈ کے بہترین اداکارہیں جو اپنے کردار کے ساتھ مکمل انصاف کرتے ہیں،پروڈیوسر بھوشن کمار فوٹو:فائل

---

لاہور: اڑتا پنجاب اور حیدر جیسی کامیاب فلموں میں اداکاری کا لوہا منوانے کے بعد شاہد کپور ہدایت کاروں کی پسندیدہ چوائس بن گئے ہیں۔

بھارتی میڈیا کے مطابق فلم ''ٹوائلیٹ'' کے ہدایت کار شری نراین سنگھ کا کہنا ہے کہ شاہد کپور نے کامیاب فلمیں کرکے بطور اداکار ثابت کردیا کہ وہ ایک شاندار اداکار ہیں اس ہی بات کے مدنظررکھتے ہوئے شاہد کپور کو اپنی آئندہ فلم کے لئے کاسٹ کیا ہے۔

دوسری جانب فلم کے پروڈیوسر بھوشن کمار کا کہنا تھا کہ شاہد کپور بالی ووڈ کے بہترین اداکاروں میں سے ایک ہیں جو اپنے کردار کے ساتھ مکمل انصاف کرتے ہیں جب کہ وہ ''اڑتا پنجاب''،''حیدر''، ''جب وی میٹ'' اور ''کمینے'' جیسی کامیاب فلموں کی وجہ سے ہدایت کاروں کی پسندیدہ شخصیت بن گئے ہیں۔