ٹائیگر اپنے استاد ہریتھک کیساتھ پہلی بار فلم میں جلوہ گرہوں گے

ہریتھک روشن اور ٹائیگر شروف پہلی بار یش راج فلمز میں اکھٹے جلوہ گر ہوں گے جو 25 جنوری 2019 کو ریلیز ہوگی۔ فوٹو؛ فائل

---

بالی ووڈ اداکار ہریتھک روشن اور ٹائیگر شروف پہلی بار یش راج کی نئی فلم میں اکھٹے جلوہ گر ہوں گے۔

بالی ووڈ میں اپنی پہلی ہی فلم سے شہرت کی بلندیوں کو چھونے والے نوجوان اداکار ٹائیگر شروف نہ صرف ایکشن ہیرو ہریتھک روشن کو اپنا آئیڈیل تسلیم کرتے ہیں بلکہ وہ انہیں اپنا گرو بھی قرار دیتے ہیں جب کہ 'ہیروپنتی' کے ہیرو نے تو ہریتھک روشن کو فلم نگری کا مکمل اداکار قرار دیا تھا اور اب ٹائیگر شروف کو اپنے گرو کے ساتھ پہلی بار بڑے پردے پر کام کرنے کا موقع ملا ہے۔

اس خبر کو بھی پڑھیں؛ ہریتھک ٹائیگر کی فلم ''فلائنگ جٹ'' دیکھنے کے لیے بے قرار

بھارتی میڈیا رپورٹس کے مطابق یش راج فلمز نے بالی ووڈ کے معروف ہدایت کار اور پروڈیوسر یش راج کے جنم دن کے موقع پر ہریتھک روشن اور ٹائیگر شروف کے ساتھ فلم بنانے کا اعلان کیا ہے جس کی ہدایت کار فلم ' بینگ بینگ' کے ڈائریکٹر سدارتھ آنند انجام دیں گے جب کہ فلم 25 جنوری 2019 کو سینما گھروں کی زینت بنے گی۔

دوسری جانب یش راج فلمز کی جانب سے ٹائیگر اور ہریتھک کو لیڈ رول میں لینے کے اعلان کے بعد دونوں اداکاروں کے درمیان ٹوئٹر پر دلچسپ گفتگو ہوئی۔

Sir @iHrithik. You are my Guru. But you should know when the game changes. #HrithikVsTiger

— Tiger Shroff (@iTIGERSHROFF) September 27, 2017

سماجی رابطے کی ویب سائٹ پر ٹوئٹ کرتے ہوئے ٹائیگر شروف نے ہریتھک کو ''سر'' کرکے مخاطب کیا اور کہا کہ بلاشبہ آپ میرے گرو ہیں لیکن گیم چینج بھی ہوجاتا ہے۔

A Guru will always have that one trick, he doesnt teach his student. @iTIGERSHROFF #HrithikVsTiger

— Hrithik Roshan (@iHrithik) September 27, 2017

جس کے جواب میں ہریتھک نے ٹوئٹ کرتے ہوئے کہا کہ ''استاد'' ہمیشہ ایک گُر اپنے شاگرد کو نہیں سکھاتا۔