وزیر خارجہ خواجہ آصف کی موجودگی میں دشمنوں کی ضرورت نہیں عمران خان

واضح ہوگیا کہ ڈان لیکس افواج پاکستان پر کیچڑ اچھالنے کی سوچی سمجھی سازش تھی، عمران خان۔ فوٹو: فائل

---

BANNU: پاکستان تحریک انصاف کے چیرمین عمران خان کا کہنا ہے کہ خواجہ آصف جیسے وزیر خارجہ کے ہوتے ملک کو دشمنوں کی ضرورت نہیں کیونکہ عسکری گروہوں کے بارے میں خواجہ آصف کا بیان پاکستان کی سلامتی کے لیے ایک دھچکہ ہے۔

پاکستان تحریک انصاف کے چیرمین عمران خان نے وزیر خارجہ خواجہ آصف کے بیان پر سخت ردعمل کا اظہار کرتے ہوئے کہا ہے کہ عسکری گروہوں کے بارے میں خواجہ آصف کا بیان پاکستان کی سلامتی کے لیے ایک دھچکہ ہے، ایسے وزیر خارجہ کی موجودگی میں دشمنوں کی کسے ضرورت ہے جب کہ بھارت و امریکا کی خوشامد میں یہ ٹولہ پاکستانی قوم کی قربانیوں تک کو نظر انداز کرچکا ہے۔

Now evident that DawnLeaks was a deliberate attempt by PMLN to target Pak mly at a time when it is fighting our enemies on multiple fronts pic.twitter.com/pp9ecmNbEU

— Imran Khan (@ImranKhanPTI) September 28, 2017

عمران خان کہنا تھا کہ آج بھی ان کی جانب سے افواج پاکستان پر پوری شد و مد سے حملے جاری ہیں، حقیقی مقصد مغرب میں چھپائی گئی چوری کی دولت کو تحفظ فراہم کرنا ہے جب کہ شریف اور ان کے درباری بھارتی و امریکی حلقوں کی خوشامد کے لیے مرے جارہے ہیں۔

Their continuous targeting of our armed forces continues today as part of this Indo-US appeasement. No concern for Pak lives sacrificed https://t.co/RaqQAMx9PS

— Imran Khan (@ImranKhanPTI) September 28, 2017

عمران خان کا کہنا تھا کہ افواج پاکستان کے خلاف اس وقت سازش کی گئی جب وہ متعدد محاذوں پر دشمن سے نبرد آزما تھی جب کہ اس سے واضح ہوگیا کہ ڈان لیکس افواج پاکستان پر کیچڑ اچھالنے کی سوچی سمجھی سازش تھی۔

Kh Asif's comments of ownership of militant gps coming from a Foreign Min undermining Pak security. With such a FM, who needs enemies? https://t.co/2fAqxMUHYh

— Imran Khan (@ImranKhanPTI) September 28, 2017