کترینہ کیف اے آر رحمان کی دھن پر گیت گائیں گی

اداکارہ یش راج فلمز کی فلم ’’دھوم تھری‘‘ میں اپنی آواز کا جادو جگائیں گی (فوٹو ایکسپریس)

---

معروف بالی وڈ اداکارہ کترینہ کیف شہرہ آفاق موسیقار اے آر رحمان کی دھن پر نغمہ سرائی کریں گی۔ بھارتی میڈیا کے مطابق یش راج فلمز کے بینر تلے بننے والی فلم ''دھوم تھری'' میں اداکارہ کترینہ کیف اپنی آواز کا جادو جگائیں گی۔ اس نغمے کے شاعر گلزار ہیں۔ دھوم تھری کے ہدایتکار یش راج ہیں۔

کترینہ کیف اس فلم میں ایک رومانوی گانے میں نغمہ سرائی کریں گی۔ میڈیا کے مطابق کترینہ کیف ہمیشہ سے ہی گلوکاری کی خواہش مند تھیں لیکن اس خواہش کا اظہار وہ کبھی کھل کر نہ کرسکیں۔ حالیہ پیشکش کے بارے میں کترینہ کیف کا کہنا ہے کہ اتنے بڑے موسیقار اور شاعر کے گانے پر اپنی آواز میں گانا ریکارڈ کروانا ان کے لیے بہت خوشگوار تجربہ ہوگا، اسلیے وہ انکار نہ کرسکیں۔