کراچی جیل سے قیدیوں کے فرار میں ملوث پولیس افسران دوبارہ گرفتار

سی ٹی ڈی نے جیل افسران کو بیانات قلم بند ہونے کے بعد حراست میں لیا۔ فوٹو: فائل

---

سی ٹی ڈی نے سینٹرل جیل سے خطرناک قیدیوں کے فرار میں ملوث افراد کے کیس میں ضمانت پر رہا ہونے والے جیل افسران کو دوبارہ حراست میں لے لیا۔

ذرائع کے مطابق کاؤنٹر ٹیررازم ڈیپارٹمنٹ (سی ٹی ڈی) نے سینٹرل جیل سے خطرناک قیدیوں کے فرار میں ملوث افراد کے کیس میں ضمانت پر رہا ہونے والے جیل افسران کو بیانات قلم بند ہونے کے بعد دوبارہ حراست میں لے لیا، گرفتار کئے گئے افراد میں سابق جیل سپرینٹنڈنٹ غلام مرتضیٰ شیخ، فہیم امین اور عبدالرحمان شامل ہیں۔

مزید پڑھیں:کراچی جیل سے فرار قیدیوں کی تلاش میں پولیس کے مختلف علاقوں میں چھاپے

واضح رہے کہ رواں برس جون میں سینٹرل جیل سے دو خطرناک قیدیوں کے فرار کے بعد سے اب تک دو مقدمات درج کئے جا چکے ہیں جبکہ قیدیوں کے فرار کا مقدمہ نیوٹاون تھانے اور سرچ اپریشن میں برآمدگی کا مقدمہ سی ٹی ڈی میں درج کیا گیا تھا جس میں جیل کے 12 اہلکاروں کو نامزد کیا گیا، مقدمے میں نامزد اہلکاروں میں سے چار ضمانت پر رہا ہیں۔