پاکستان کی کویت کو ایوی ایشن فوجی تربیت میں تعاون کی پیشکش

کمانڈر کویت ایئر فورس نے دہشت گردی کیخلاف جنگ میں پاک فضائیہ کے کلیدی کردار اور پیشہ ورانہ مہارت کو سراہا۔ فوٹو: فائل

---

MOSCOW: پاک فضائیہ کے سربراہ ایئرچیف مارشل سہیل امان نے مشکل کی ہر گھڑی میں کویت کے شانہ بشانہ کھڑے ہونے کے عزم کااعادہ کرتے ہوئے کویت کی فضائیہ کوایوی ایشن کے شعبے اورفوجی تربیت میں بھرپور مدد اور تعاون کی پیشکش کی ہے۔

کویت فضائیہ کے سربراہ نے ایئرچیف مارشل سہیل امان سے ملاقات کی اورپیشہ ورانہ دلچسپی کے امور پر تبادلہ خیال کیا گیا۔ کمانڈر کویت ایئر فورس نے دہشت گردی کیخلاف جنگ میں پاک فضائیہ کے کلیدی کردار اور پیشہ ورانہ مہارت کو سراہا اور ان کے تجربات سے سیکھنے کی خواہش کا اظہار کیا۔

قبل ازیں کویت فضائیہ کے کمانڈر ایئرہیڈ کوارٹرز اسلام آباد پہنچے تو ایئر چیف مارشل سہیل امان نے انکا استقبال کیا، پاک فضائیہ کے چاق و چوبند دستے نے انھیں سلامی پیش کی، کویت فضائیہ کے وفدکو بریفنگ بھی دی گئی جس میں انھیں پاک فضائیہ کے تنظیمی ڈھانچہ اورپیشہ ورانہ کردارسے آگاہ کیا گیا۔