چھرامار حملہ آور کوپکڑنے کے لیے سوشل میڈیا پر عوام کے مشورے

پولیس والوں کو برقع پہنا کر روڈ پر چھوڑ دیں؛صارفین؛فوٹوفائل

---

شہر میں جہاں خواتین پر چاقو سے حملہ کرنے والے ملزم نے دہشت پھیلائی ہوئی ہے وہیں سوشل میڈیا پر بھی اس کے چرچے ہیں کوئی اسے سازش قرار دے رہا ہے تو کوئی اسے پکڑنے کے طریقے بتاکر عقلمندی کے ثبوت دے رہا ہے۔

گلستان جوہرسمیت مختلف علاقوں میں تیز دھار آلے کی مدد سے ایک درجن سے زائد خواتین کو زخمی کرکے فرارہونے والے حملہ آور کی دہشت شہر قائد سے نکل کر سوشل میڈیا تک جاپہنچی ہے، گزشتہ روزایکسپریس نیوز نے اپنے صارفین سے حملہ آور کو پکڑنے کے طریقے پوچھے تھے جس کے جواب میں انہوں نے ملزم کو پکڑنے کے کئی مشورے دئیے ہیں جن میں چند مفید اور چند نہایت دلچسپ ہیں۔

اس خبرکوبھی پڑھیں: کراچی میں تیز دھار آلے سے ایک اور خاتون زخمی

فیس بک پر ایک صارف نے اس سنگین مسئلے کا نہایت دلچسپ انداز میں حل بتاتے ہوئے کہا کہ 2 یا 3 پولیس والوں کو برقع پہنا کر روڈ پر چھوڑ دو پھر دیکھو کیا ہوتا ہے۔

جب کہ ایک اور صارف عمران سحر نے نہایت مفید مشورہ دیتے ہوئے لکھا کہ کمانڈو لڑکیاں جن کی تربیت مکمل ہوگئی ہو انہیں اسلحہ دے کر واردات والے علاقوں میں عام کپڑوں میں تعینات کیا جائے، ملزم صرف 3 دن میں پکڑا جائے گا۔



ایک صارف نے نہایت غصے میں لکھا کہ اگراس مسئلے کا حل عوام کو ہی بتانا ہے تو پولیس کا کیا کام؟



اس کے علاوہ ٹوئٹر پر بھی صارفین نے پولیس کی ناکامی پربرہمی کا اظہارکرتے ہوئے خوب تنقید کی، ایک صارف نے لکھا زمینوں، قبرستانوں اور 120گزکے مکان سے 3 ٹرک اسلحہ نکالنے والے پولیس اہلکارلڑکیوں کو چھری مارنے والے کو پکڑنے میں ناکام؟

زمینوں، قبرستانوں، 120گز کے مکان سے 3 ٹرک اسلحہ نکالنے والے لڑکیوں کو چھری مار نےوالے کو پکڑنے میں ناکام؟#KnifeAttacker

— Fahad Iqbal (@fahadiqbal44) October 4, 2017

جب کہ ایک صارف نے پولیس کی ناکامی پر تنقید کرتے ہوئے خواتین کو اپنی حفاظت خود کرنے کا مشورہ دیتے ہوئے لکھا کہ خواتین کرکٹ بیٹ یا ہاکی لے کرگھر سے باہر نکلیں۔

https://twitter.com/ironsheik0/status/916081868277248000

ایک صارف نے اس مسئلے کا حل بتاتے ہوئے لوگوں کو مشورہ دیا کہ جو کوئی اس شخص کو پکڑے گامیں اسے 5 لاکھ روپے بطور انعام دوں گا۔

https://twitter.com/sayed_mehdi90/status/915682255892250625

چند روز قبل پولیس نے ملزم کا حلیہ بتاتے ہوئے کہا تھا کہ ملزم کا قد 5 فٹ 7 انچ ہے اور اس کی عمر 20 سے 30 سال کے درمیان ہے جب کہ وہ ہیلمٹ پہن کر رکھتا ہے ، ارتضیٰ نامی صارف نے پولیس کی معلومات پر برہم ہوتے ہوئے لکھا کہ کراچی کے آدھے لڑکوں کا حلیہ ایسا ہی ہوتا ہے اس میں نئی بات کیا ہے۔

https://twitter.com/Alm0stDoctor/status/915875162876194816

ایک اور صارف نے لکھا ایسا لگتا ہے را کا ایجنٹ پکڑنا چھری مارنے والے چھلاوے سے زیادہ آسان ہے۔

ایسا لگتا ہے را کا ایجنٹ پکڑنا چھری مارنے والے چھلاوے سے زیادہ آسان ہے! #knifeattack

— Ramsha Kanwal (@RamshaKanwal7) October 5, 2017

جب کہ ایک اور صارف نے مزاحیہ انداز میں لکھا آج کل کراچی کے تمام شوہر اپنی بیویوں سے ایک ہی فرمائش کررہے ہیں ، چلو تمہیں گلستان جوہر گھماکر لاؤں۔

آج کل کراچی کے سارے شوہر اپنی بیگمات سے ایک ہی فرمائش کر رہے ہیں,,

چلو ڈارلنگ تمہیں گلستان جوہر گھما کہ لاؤں...#knifeattack@SumoRizvi

— Arsh (@arsh_rulez) October 4, 2017

ایک صارف نےلکھا کہ ایسا لگتا ہے ان حملوں کے پیچھے کچھ سیاسی محرکات ہیں، جو شہر میں طاقت حاصل کرناچاہتے ہیں۔

I think...#KnifeAttack incidents are happening in #Karachi,due to some political plot behind it, merely in order to seek power in the city.

— Pirah Mangi (@pirahmangi) October 5, 2017