ماہرہ خان کی فلم’’ورنہ‘‘ کا نیا گانا ریلیز

شعیب منصور اور ماہرہ خان 10 سال قبل فلم ’’خدا کے لیے‘‘ میں بھی کام کرچکے ہیں؛فوٹوفائل

---

پاکستانی بیوٹی کوئین ماہرہ خان کی نئی فلم''ورنہ''کے پہلے گانے''سنبھل سنبھل'' کی ویڈیو ریلیز کردی گئی ہے ، ویڈیو میں ماہرہ ہمیشہ کی طرح نہایت خوبصورت اور حسین نظر آرہی ہیں۔

پاکستان کے مایاناز ہدایت کار شعیب منصور اور نامور اداکارہ ماہرہ خان طویل عرصے بعد ایک بار پھر بڑی اسکرین پر واپسی کررہے ہیں، دونوں نے آخری بار ایک ساتھ 2007 میں''فلم خدا کے لیے''میں کام کیا تھا یہ فلم پاکستان سمیت بیرون ملک بھی بے حد پسند کی گئی تھی اور اب 10 سال بعد شعیب منصور اور ماہرہ خان فلم ''ورنہ''کے ذریعے ایک اور شاہکار لے کر آرہے ہیں۔

اس خبرکوبھی پڑھیں: ماہرہ خان کی نئی فلم 'ورنہ' کی پہلی جھلک



شائقین شدت سے فلم کا انتظار کررہے ہیں، جب کہ ماہرہ بھی اپنی فلم کولےکر بہت پرجوش ہیں انہوں نے چند روز قبل ٹوئٹر پر فلم''ورنہ''کا ٹیزر شیئر کیا تھا جسے شائقین کی جانب سے بے حد پسند کیا گیا اور آج انہوں نے اپنی فلم کے پہلے گانے''سنبھل سنبھل''کی ویڈیوشیئر کی ہے. ویڈیو میں ماہرہ خان ہمیشہ کی طرح نہایت خوبصورت لگ رہی ہیں۔

Aur abhi toh hain yeh silsilay.. pyaar ke huay shuru ❤️ introducing @HaroonsMusic #verna pic.twitter.com/o06p4IAxYW

— Mahira Khan (@TheMahiraKhan) October 6, 2017

دوروز قبل پیش کیے جانے والے ٹیزر میں ماہرہ کافی غصے میں کسی کو مارتی ہوئی دکھائی دے رہی تھیں جب کہ آج شیئر کی جانےو الی ویڈیو میں پہلےکے برعکس ماہرہ کافی خوشگوار موڈ میں نظر آرہی ہیں۔

#Verna #Powerdigame 👊🏼 pic.twitter.com/JgKFZteRAX

— Mahira Khan (@TheMahiraKhan) October 3, 2017

بظاہر ایسا لگ رہا ہے کہ فلم کی کہانی بدلے کے گرد گھومتی ہے تاہم اصل کہانی تو فلم دیکھنے کے بعد ہی پتہ چلے گی۔



واضح رہے کہ فلم میں ماہرہ خان کے علاوہ ہارون رشید، ضراراحمد، نیمل خاور اور رشید ناز شامل ہیں، فلم ''ورنہ'' 17 نومبر کو نمائش کے لیے پیش کی جائے گی۔