دھابے جی میں نوجوان کا پراسرار قتل کزن لاپتہ

واقعے کے بعد سے مقتول کا کزن بھی لاپتہ اور اس کا موبائل بند ہے۔ فوٹو: فائل

---

دھاے جی میں نوجوان کا پراسرار قتل چند روز بعد شادی ہونے والی تھی گھر میں صف ماتم بچھ گئی۔

تفصیلات کے مطابق شیخ مجید کالونی دھابے جی کے رہائشی جہانزیب خان کا 18 سالہ بیٹا افتخار گزشتہ شب گھر کے قریب مردہ حالت میں پایا گیا، نوجوان کو نامعلوم افراد نے سر پر گولی مار کر قتل کردیا۔

مقتول کے والد کے مطابق اس کا بیٹا گزشتہ شب اپنے کزن کے ساتھ گھر سے خریداری کے لیے قریبی مارکیٹ گیا تھا تاہم کافی دیر گزر جانے پر گھر نہ لوٹا تو انھوں نے مقتول کے کزن کے نمبر پر کال کی تو فون بند تھا تلاش کرنے پر مقتول گھر کے قریب مردہ حالت میں پایا گیا۔

جس کو سر پر گولی ماری گئی تھی۔ واقعے کے بعد سے مقتول کا کزن بھی لاپتہ اور اس کا موبائل بند ہے۔ مقتول کے والد نے بتایا کہ میرے بیٹے کی چند روز بعد شادی تھی ۔مقتول کی لاش گھر پہنچنے پر شادی کے گھر میں صف ماتم بچھ گئی۔