ٹریفک حادثات میں سگے بھائیوں سمیت3 افراد ہلاک

اسٹیل ٹائون کے علاقے گلشن حدید میں تیز رفتار ٹرک نے موٹر سائیکل سوار2افراد کی جان لے لی۔ فوٹو: فائل

---

لاہور: شہر کے مختلف علاقوں میں ٹریفک حادثات کے دوران2 سگے بھائیوں سمیت 3افراد ہلاک ہوگئے۔

تفصیلات کے مطابق لی مارکیٹ میں تیز رفتار گاڑی کی ٹکر سے8سالہ سہیل ولد شاہ زریں ہلاک ہوگیا، متوفی علاقے کا ہی رہائشی تھا۔

علاوہ ازیں اسٹیل ٹائون کے علاقے گلشن حدید میں تیز رفتار ٹرک نے موٹر سائیکل سوار2افراد کی جان لے لی،پولیس کے مطابق موٹر سائیکل سوار نجیب اللہ اور وحید اللہ ولد کریم بخش جارہے تھے کہ عقب سے آنے والے تیز رفتار ٹرک نے انھیں کچل دیا،دونوں متوفی سگے بھائی تھے، حادثے میں ایک خاتون سلمیٰ زخمی ہوگئی۔