حیدرآباد بارہویں جماعت کامرس کے امتحانی نتائج کا اعلان

ثانوی و اعلیٰ ثانوی تعلیمی بورڈ حیدرآباد نے بارہویں جماعت کامرس گروپ کے امتحانی نتائج کا اعلان کردیا۔ نتائج کا اعلان ناظم امتحانات تعلیمی بورڈ وصی رضا آفریدی نے کیا،گورنمنٹ شاہ لطیف گرلز کالج لطیف آباد یونٹ نمبر 6کی طالبہ سوہنی جتوئی بنت ظہیر جتوئی نے 847 نمبر حاصل کرکے پہلی، اسی کالج کی سیدہ پاکیزہ بتول بنت سید محمد علی رضوی نے 805 نمبر لے کر کے دوسری اور ہائیسٹ کالج کے اظہر احمد صدیقی ولد متین احمد صدیقی نے 800 نمبرکے ساتھ تیسری پوزیشن حاصل کی۔


کل1331 امیدواروں نے فارم جمع کرائے جبکہ 1330 نے امتحانات میں شرکت کی جن میں سے 807 طلبہ اور207 طالبات نے کامیابی حاصل کی، 10 طلبہ اور 13 طالبات نے اے گریڈ، 97 طلبہ اور 96 طالبات نے بی ، 405 طلبہ اور 119 طالبات نے سی ، 287 طلبہ اور 47 طالبات نے ڈی ، 8 طلبہ اور ایک طالبہ نے ای گریڈ حاصل کیا جبکہ 28 طالبعلموں کو کاپی کیس اور 18 کے نتائج دیگر وجوہ کی بناء پر روک لیے گئے ۔