ترکی میں آئس کریم فروش نے عامر خان کو چکرا کر رکھ دیا

فلموں میں ایکشن دکھانے والے مسٹر پر فیکشنسٹ پر ترکی کا آئس کریم فروش بازی لے گیا۔

ویب ڈیسک October 08, 2017

فلموں میں ایکشن دکھانے والے مسٹر پر فیکشنسٹ پر ترکی کا آئس کریم فروش بازی لے گیا۔۔

ISLAMABAD: ترکی میں آئس کریم فروش نے معروف بھارتی اداکار عامر خان کو گھما کر رکھ دیا۔

بالی ووڈ اداکارعامر خان اپنی نئی فلم کی تشہیر کے لیے اہل خانہ کے ہمراہ ترکی کے دورے پر ہیں جہاں انہوں نے ترک صدر رجب طیب اردوان سے صدارتی محل میں ملاقات بھی کی۔ عامر خان نے موقع غنیمت جانتے ہوئے ترکی کی مشہور زمانہ آئس کریم کھانے نکل پڑے لیکن اس کا حصول کافی دشوار گزار ثابت ہوا۔

عامر خان نے ٹوئٹر پر ''صبر کا پھل میٹھا'' کے نام سے اپنی ویڈیو شیئر کی جس میں وہ ترکی کے آئس کریم فروش سے آئس کریم خرید رہے ہیں لیکن آئس کریم والا جو کسی بازی گر سے کم نہیں آئس کریم عامر خان کے ہاتھ میں پکڑاتے ہوئے انہیں خوب تنگ کرتا ہے تاہم مسٹر پرفیکشنسٹ بھی جھنجھلاہٹ کا شکار نہیں ہوتے اور صبر کے ساتھ آئس کریم پکڑنے کی کوشش کرتے رہتے ہیں۔

عامر خان کی ترک صدررجب طیب اردوان سے ملاقات

عامر خان آئس کریم لینے کے لیے ہاتھ بڑھاتے ہیں لیکن آئس کریم فروش بڑی مہارت کے ساتھ کسی بازی گر کی طرح آئس کریم کو ادھر ادھر ہوا میں گھماتا رہتا ہے کہ آئس کریم نہ تو زمین پر گرتی ہے اور نہ ہی عامر کے ہاتھ میں آتی ہے۔ اداکار کو خوب زچ کرنے کے بعد بالآخر دکاندار عامر کو آئس کریم دے دیتا ہے۔

https://twitter.com/aamir_khan/status/916702760149639168

ان کی ویڈیو کو دیکھ کر لگتا ہے کہ فلموں میں ایکشن دکھانے والے اداکار پر ترکی کا آئس کریم فروش بازی لے گیا۔