جیکلین فلم رمیا وستھا ویا کے آئٹم سانگ میں اداؤں کے جلوے بکھیریں گی

فلم ’’رمیا وستھا ویا‘‘ کا آئٹم سانگ بالی ووڈ انڈسٹر ی میں چارٹ بسٹر ثابت ہو گا، جیکلین فرنینڈس ۔ فوٹو: پبلسٹی

---

بالی ووڈ کی دھنو گرل جیکلین فرنینڈس نئی فلم "رمیا وستھا ویا" کے آئٹم سانگ میں اداؤں کے جلوے بکھیرتے نظرآئیں گی۔

سری لنکا سے امپورٹ کی ہوئی بھارتی بیوٹی جیکلین فرنینڈس حال ہی میں کئی سپر ہٹ فلموں میں اپنی اداکاری کے جوہر دکھاچکی ہیں اور اب انہیں کوریو گرافر پربھو دیوا نے اپنی فلم "رمیا وستھا ویا" میں ایک آئٹم نمبر کرنے کےلئے سائن کر لیا ہے،اس آئٹم گانےکو بھارتی ریاست پنجاب میں شوٹ کیا جائے گا اور اس میں پربھو دیوا خود بھی جیکلین کے ساتھ ڈانس کرتے نظر آئیں گے۔

جیکلین فرنینڈس نے آئٹم سانگ کے بارے میں کہا کہ یہ گانا بالی ووڈ انڈسٹری میں چارٹ بسٹر ثابت ہو گا۔ فلم "رمیا وستھا ویا" کی ہدایت کاری بھی پربھو دیوا خود دیں گے جو ڈائریکشن کی دنیا میں ان کا پہلا پراجیکٹ ہے۔