ٹینس اسٹاراینڈی مرے نے 18لاکھ ڈالرمالیت کا ہوٹل خرید لیا

ہوٹل میں 15 بیڈ رومز شامل ہیں جبکہ 2 ہزار ایکڑ رقبے میں گالف اور مچھلی کے شکار کا شوق بھی پورا کیا جاسکتا ہے۔ فوٹو : ایکسپریس

---

برطانوی ٹینس اسٹار اینڈی مرے اسکاٹ لینڈ میں اپنے آبائی شہر کے قریب 18 لاکھ ڈالر مالیت کے ہوٹل کے مالک بن گئے۔

25 سالہ اولمپک چیمپیئن اور یو ایس اوپن گرینڈ سِلیم کے فاتح اینڈی مرے کا یہ تاریخی اور پر کشش ہوٹل اگلے برس تزئین و آرائش کے بعد کھول دیا جائےگا۔ پرتھ شائر کے قریب واقع اس ہوٹل میں 15 بیڈ رومز شامل ہیں جبکہ 2 ہزار ایکڑ رقبے میں گالف اور مچھلی کے شکار کا شوق بھی پورا کیا جاسکتا ہے۔

اینڈی مرے کی گرد اس وقت ڈالرز کی ریل پیل ہے، وہ اب تک 14 ملین ڈالرز کی انعامی رقم وصول کرچکے ہیں اس کے علاوہ انہوں نے گزشتہ 12 ماہ میں 6.4 ملین ڈالرز اسپانسر شپ سے بھی حاصل کئے ہیں۔